Фрэнк Геры

Фрэнк Оўэн Геры (англ.: Frank Owen Gehry, сапраўднае імя Эфраім Оўэн Гольдберг, англ.: Ephraim Owen Goldberg; нар. 28 лютага 1929, Таронта) — адзін з найбуйнейшых архітэктараў сучаснасці, які стаяў ля вытокаў архітэктурнага дэканструктывізму. Лаўрэат Прытцкераўскай прэміі 1989 года.

Фрэнк Геры
Дата нараджэння	28 лютага 1929(1929-02-28)[…] (94 гады)
Месца нараджэння	Таронта, Антарыа, Канада
Грамадзянства	ЗША  Канада
Альма-матар	Універсітэт Паўднёвай Каліфорніі Гарвардскі ўніверсітэт USC School of Architecture[d] (1954) Гарвардская вышэйшая школа дызайна[d] Bloor Collegiate Institute[d] Harbord Collegiate Institute[d]
Месца працы	Калумбійскі ўніверсітэт
Член у	Еўрапейская акадэмія навук і мастацтваў[d] Амерыканская акадэмія мастацтваў і літаратуры[d] Каралеўская акадэмія мастацтваў Амерыканская акадэмія мастацтваў і навук
Працаваў у гарадах	Таронта і Лос-Анджэлес
Узнагароды	Залаты медаль Амерыканскага інстытута архітэктуры[d] (1999) Прытцкераўская архітэктурная прэмія (1989) Імператарская прэмія[d] (1992) прэмія Штайгер[d] (2011) The Dorothy and Lillian Gish Prize[d] (1994) прэмія Вольфа па архітэктуры[d] (1992) Каралеўскі залаты медаль[d] (2000) Каліфарнійская зала славы[d] (2006) Залаты леў (2008) ганаровы доктар Універсітэта Алькалы[d] (2001) Twenty-five Year Award[d] National Design Awards[d] Frederick Kiesler Prize[d]
foga.com
Медыяфайлы на Вікісховішчы

Біяграфія

Фрэнк Геры нарадзіўся ў сям’і імігрантаў з Польшчы. Яго дзед гандляваў будаўнічымі матэрыяламі, а бацька валодаў крамай гандлёвых і гульнявых аўтаматаў. Малады Эфраім (Фрэнк) быў збіты на глебе антысемітызму, і гэтая псіхалагічная траўма паслужыла падставай змяніць прозвішча і разам з сям’ёй пераехаць у Амерыку. З 17 гадоў Геры жыў у Лос-Анджэлесе. Вучыўся спачатку ва Універсітэце Паўднёвай Каліфорніі (бакалаўр, 1954), а затым у Гарвардскім універсітэце (магістр, 1957). Працаваў у праектных фірмах В. Груна, Перэйры і Лакмана ў ЗША, у архітэктара А. Рамондэ ў Францыі. У 1962 годзе вярнуўся ў ЗША і адкрыў у Лос-Анджэлесе сваё бюро з іншым архітэктарам, а ў 1967 годзе яно было пераўтворана ў Frank O. Gehry and Associates. У 2014 годзе кампанія была адной з вядучых архітэктурных фірм свету, у якой працавалі больш за 200 архітэктараў.

У 1950—1960-я гады Фрэнк Геры знаходзіўся пад уплывам Фрэнка Лойда Райта; архітэктар звярнуўся да тэмы постмадэрнізму ў 1978 годзе, дасціпна перабудаваўшы ўласны асабняк 1920-х гадоў пабудовы.