Вікіпедыя

Фёдар Іванавіч Чарных

літоўскі футбаліст

Фёдар Чарных (нар. 21 мая 1991, Масква) — літоўскі футбаліст, паўабаронца кіпрскага клуба АЭЛ з Лімасола і нацыянальнай зборнай Літвы.

Футбол
Фёдар Чарных
Агульная інфармацыя
Поўнае імя Фёдар Іванавіч Чарных
Нарадзіўся 21 мая 1991(1991-05-21)[1][2] (32 гады)
Грамадзянства  Літва
Рост 182 см
Вага 75 кг
Пазіцыя паўабаронца, нападнік
Інфармацыя пра клуб
Клуб Рэспубліка Кіпр АЭЛ
Клубная кар’ера[* 1]
2007—2009 Літва Гранітас (Вільнюс)
2009—2014 Беларусь Дняпро (Магілёў) 85 (14)
2012 →  Беларусь Нафтан (Наваполацк) 30 (5)
2014—2015 Польшча Гурнік (Лэнчна) 38 (12)
2015—2017 Польшча Ягелонія (Беласток) 82 (18)
2018—2020 Расія Дынама (Масква) 31 (3)
2019—2020 →  Расія Арэнбург 11 (0)
2020—2022 Польшча Ягелонія (Беласток) 61 (6)
2023— Рэспубліка Кіпр АЭЛ (Лімасол)
Нацыянальная зборная[* 2]
2009 Літва Літва (да 19) 3 (0)
2010—2012 Літва Літва (да 21) 10 (1)
2012— Літва Літва 80 (12)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 8 студзеня 2023.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 8 студзеня 2023
Лагатып Вікісховішча Медыяфайлы на Вікісховішчы

Клубная кар’ера правіць

Першыя крокі ў футболе рабіў у Вільнюсе, а ў 2009 годзе перабраўся ў магілёўскі «Дняпро». Неўзабаве стаў адным з асноўных ігракоў. Пасля вылету «Дняпра» з Вышэйшай лігі ў сакавіку 2012 года быў аддадзены ў арэнду ў наваполацкі «Нафтан», дзе трывала гуляў у аснове. Пасля сезона ў наваполацкім клубе вярнуўся ў «Дняпро». Правёў за магілёўскі клуб усе 32 матчы чэмпіянату 2013, звычайна выступаў на пазіцыі правага флангавага нападніка.

Сезон 2014 таксама распачаў у складзе «Дняпра». 25 мая 2014 года вызначыўся дублем у матчы з брэсцкім «Дынама», чым дапамог «Дняпру» атрымаць першую перамогу у чэмпіянаце 2014 (2:0). Неўзабаве з’явілася інфармацыя аб тым, што Фёдар можа пакінуць магілёўскі клуб па заканчэнні кантракта ўлетку 2014 года[4]. У канцы мая выступаў у матчах за зборную Літвы, у пачатку чэрвеня вярнуўся ў Магілёў. 11 чэрвеня 2014 года правёў свой апошні матч за «Дняпро» (супраць мінскага «Дынама»), пасля з-за хваробы не выступаў. 20 чэрвеня кантракт з «Дняпром», які сканчваўся ў ліпені 2014 года, быў датэрмінова скасаваны[5].

У ліпені 2014 года падпісаў кантракт з польскім клубам «Гурнік»[6], які па выніках сезона 2013/14 вярнуўся ў найвышэйшы польскі дывізіён — Экстраклясу. Здолеў стаць адным з найлепшых ігракоў «Гурніка», забіўшы ў сезоне 2014/15 11 галоў.

31 жніўня 2015 года перайшоў у беластоцкую «Ягелонію»[7]. У сезоне 2016/17 дапамог камандзе стаць срэбраным прызёрам чэмпіянату Польшчы. У студзені 2018 года стаў іграком маскоўскага «Дынама»[8]. Спачатку трывала гуляў у стартавым складзе дынамаўцаў, аднак з красавіка 2019 года стаў заставацца на лаўцы запасных. У жніўні 2019 года быў аддадзены ў арэнду ў «Арэнбург», дзе гуляў да ліпеня 2020 года.

У верасні 2020 года па пагадненні бакоў пакінуў «Дынама»[9] і неўзабаве вярнуўся ў «Ягелонію»[10]. У студзені 2023 года перайшоў у кіпрскі АЭЛ.

Міжнародная кар’ера правіць

Гуляў за моладзевую зборную Літвы да 21 года. 14 лістапада 2012 года дэбютаваў за нацыянальную зборную Літвы ў таварыскім матчы супраць Арменіі[11][12]. 11 кастрычніка 2013 года забіў свой першы гол за зборную — у браму Латвіі (2:0) у адборачным матчы да чэмпіянату свету 2014. Пазней стаў капітанам зборнай Літвы.

Дасягненні правіць

Статыстыка выступленняў правіць

Сезон Дывізіён Клуб Краіна Матчы Галы
2009 (2) Д1 Дняпро   2 2
2010 Д1 Дняпро   23 4
2011 Д1 Дняпро   18 1
2012 Д1 Нафтан   30 5
2013 Д1 Дняпро   32 4
2014 (1) Д1 Дняпро   10 3
2014/15 Д1 Гурнік   32 11
2015/16 (пач.) Д1 Гурнік   6 1
2015/16 Д1 Ягелонія   27 3
2016/17 Д1 Ягелонія   34 12
2017/18 (1) Д1 Ягелонія   21 3
2017/18 (2) Д1 Дынама   9 1
2018/19 Д1 Дынама   22 2
2019/20 (пач.) Д1 Дынама   0 0
2019/20 Д1 Арэнбург   11 0
2020/21 Д1 Ягелонія   16 1
2021/22 Д1 Ягелонія   29 4
2022/23 (1) Д1 Ягелонія   16 1

Зноскі

  1. ↑ Fedor Cernych // Transfermarkt — 2000. Праверана 9 кастрычніка 2017.
  2. ↑ Fiodor Černych // FBref.com
  3. ↑ 90minut.pl — 2003. Праверана 23 верасня 2022.
  4. ↑ Футбол. Федор Черных в ближайшее время может покинуть "Днепр"
  5. ↑ Федор Черных покидает могилевский "Днепр"
  6. ↑ Черных подписал контракт с польским клубом «Гурник» Лэнчна
  7. ↑ Черных перешел в «Ягеллонию»
  8. ↑ Московское «Динамо» объявило о трансфере капитана сборной Литвы Черных
  9. ↑ Московское «Динамо» расторгло контракт с капитаном сборной Литвы Федором Черных
  10. ↑ Черных перешел в «Ягеллонию»
  11. ↑ Федор Черных вызван в сборную Литвы
  12. ↑ 7 фактов о Федоре Черных — футболисте, который активно покидает чемпионат Беларуси(недаступная спасылка)
Узята з "https://be.wikipedia.org/w/index.php?title=Фёдар_Іванавіч_Чарных&oldid=4311713"