Фёдар Аляксеевіч Астахаў

Фёдар Аляксеевіч Астахаў (27 студзеня (8 лютага) 1892, вёска Лядоўскія Выселкі, Кашырскі павет, Тульская губерня, цяпер Кашырскі раён, Маскоўскай вобласці — 9 кастрычніка 1966, Масква, РСФСР) — савецкі военачальнік, маршал авіяцыі (1944).

Фёдар Аляксеевіч Астахаў
Дата нараджэння	8 лютага 1892(1892-02-08)
Месца нараджэння	Лядоўскія Выселкі[d], Кашырскі павет, Тульская губерня, Расійская імперыя
Дата смерці	9 кастрычніка 1966(1966-10-09) (74 гады)
Месца смерці	Масква, РСФСР, СССР
Месца пахавання	Новадзявочыя могілкі
Альма-матар	Ваенна-акадэмічныя курсы вышэйшага камсаставу РСЧА[d]
Грамадзянства	СССР
Прыналежнасць	СССР
Званне	маршал роду войск
Бітвы/войны	Першая сусветная вайна Вялікая Айчынная вайна
Узнагароды і званні

Біяграфія

Нарадзіўся 27 студзеня (8 лютага) 1892 года ў в. Лядоўскія Выселкі Тульскай губерні ў сям’і селяніна. Скончыў рэальнае вучылішча ў Кашыры ў 1910 годзе. З 1910 года працаваў на прадпрыемствах Масквы: чарнарабочы, слесар, гідратэхнік па свідраванні артэзіянскіх студняў, электраманцёр. У 1913 годзе прызваны ў Рускую імператарскую армію, служыў радавым у паветраплавальнай роце. Удзельнічаў у Першай сусветнай вайне. Скончыў 3-ю Маскоўскую школу прапаршчыкаў у 1915 годзе, Севастопальскую ваенную авіяцыйную школу ў 1916 годзе. Астахаў быў пакінуты ў гэтай жа школе інструктарам і служыў у ёй да 1918 года, застаючыся ў першым афіцэрскім воінскім званні прапаршчыка.

У Чырвонай Арміі з 1918 года. Скончыў Ваенна-акадэмічныя курсы вышэйшага камсаставу РСЧА ў 1923 годзе.

Воінскія званні

• Камдыў (23.11.1935)
• Камкор (20.02.1938)
• Генерал-лейтэнант авіяцыі (04.06.1940)
• Генерал-палкоўнік авіяцыі (30.04.1943)
• Маршал авіяцыі (19.08.1944)