Феалета Фёдараўна Пархімовіч

Феалета Фёдараўна Пархімовіч (15 студзеня 1938, Ленінград) — беларускі архітэктар.

Феалета Фёдараўна Пархімовіч
Дата нараджэння	15 студзеня 1938(1938-01-15) (86 гадоў)
Месца нараджэння	Ленінград, РСФСР, СССР
Альма-матар	БПІ (1961)
Месца працы	Белдзяржпраект Мінскі абласны філіял інстытута «Белдзяржпраект» Белдзіпрагандаль
Член у	Саюз архітэктараў СССР Беларускі саюз архітэктараў

Біяграфія

Скончыла Беларускі політэхнічны інстытут у 1961 годзе. Працавала старшым архітэктарам, кіраўніком групы архітэктараў у Белдзяржпраекце, Мінскім філіяле Белдзяржпраекта, з 1974 года — кіраўнік групы архітэктараў, галоўны архітэктар праектаў у Белдзіпрагандлі.

Член Саюза архітэктараў СССР з 1980 года. Пражывала ў Мінску.

Творчасць

Універсам «Талін»

Асноўныя працы: універмаг у Лідзе (1982), блок абслугоўвання ў мікрараёне Захад-2 у Мінску (1983); у аўтарскім калектыве: Дом быту ў Лідзе (1981), універмагі ў Гродне (1981) і Жодзіне (1987), універсам «Талін» у Мінску (1982), гандлёвы цэнтр па вул. Бялова ў Пінску (1986), крыты рынак у Віцебску (1987).

Літаратура

• Пархимович Феолета Федоровна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)