Хаанг Суан Лам
Хаанг Суан Лам (в’етн.: Hoàng Xuân Lãm; 10 кастрычніка 1928 — 2 мая 2017) — генерал-лейтэнант Узброеных сіл Рэспублікі В’етнам, удзельнік Індакітайскай і В’етнамскай войнаў.
| Хаанг Суан Лам | |
|---|---|
.jpg) | |
| Дата нараджэння | 10 кастрычніка 1928[1] |
| Месца нараджэння | |
| Дата смерці | 2 мая 2017[1] (88 гадоў) |
| Месца смерці |
|
| Грамадзянства | |
| Прыналежнасць |
 Паўднёвы В’етнам |
| Род войскаў |
Нацыянальная армія В’етнама/Узброеныя сілы Францыі (1950—1954) Узброеныя сілы Рэспублікі В’етнам (1955—1975) |
| Гады службы | 1950—1975 |
| Званне |
 генерал-лейтэнант |
| Бітвы/войны |
Індакітайская вайна, Вайна ў В’етнаме |
| Узнагароды і званні |
 |
 Медыяфайлы на Вікісховішчы | |
Біяграфія правіць
Нарадзіўся 10 кастрычніка 1928 годзе ў Куанчы. Пачатковую школу скончыў там жа. Сярэдняе і старшае звяно прайшоў у Хюэ ў школе Куок Хок, з якой выпусціўся ў 1948 годзе. Пасля гэтага вярнуўся ў Куанчы, дзе працаваў настаўнікам пачатковых класаў.
У верасні 1950 года запісаўся ў Нацыянальную армію В’етнама, самастойнае аддзяленне Узброеных сіл Францыі ў калоніі. Пасля заканчэння школы баявых мастацтваў Далата ў званні другога лейтэнанта адабраны намеснікам камандзіра 4-га экспедыцыйнага атрада. 1 кастрычніка 1952 года накіраваны на 6 месяцаў ў Далёкаўсходні навучальны цэнтр бранятанкавай падрыхтоўкі французскай арміі на мысе Сен-Жак (Вунгтау). 1 красавіка 1953 года скончыў асноўны курс. У канцы таго ж года адабраны для прасунутага курсу ў кавалерыйскім вучылішчы Самюра ў Францыі.
У кастрычніку 1955 года, неўзабаве пасля абвяшчэння незалежнасці Паўднёвага В’етнама, атрымаў званне маёра і заняў пасаду камандзіра 1-га кавалерыйскага палка.
У канцы мая 1957 года Хаанг атрымаў званне падпалкоўніка і быў прызначаны на пасаду камандзіра бранятанкавага камандавання ў лагеры Чан Хун Дао. У канцы 1958 года ён накіраваны на курсы старшых афіцэраў у Акадэміі Форт-Лівенворт, штат Канзас, ЗША. У сярэдзіне 1959 года, скончыўшы навучанне, Хаанг прызначаны начальнікам навучальнага аддзела Ваеннага ўніверсітэта ў Сайгоне.
У лютым 1963 года ён быў узведзены ў палкоўнікі і прызначаны камандзірам 23-й пяхотнай дывізіі. 11 жніўня 1964 года Хаанг атрымаў званне брыгаднага генерала. 15 кастрычніка таго ж года яго прызначылі камандзірам 2-й пяхотнай дывізіі. 1 лістапада 1965 года ўзведзены ў генерал-маёры. У канцы мая 1966 года ён адначасова стаў камандзірам I корпуса. У ліпені 1967 года яму прысвоена званне генерал-лейтэнанта.
У лютым 1971 года Хаанг прызначаны камандуючым аперацыяй «Лам Шон 719». У сярэдзіне мая 1972 года ён быў прызначаны памочнікам міністра нацыянальнай абароны.
У красавіку 1975 года, у сувязі з падзеннем паўднёвав’етнамскага рэжыму, пакінуў краіну і пасяліўся ў Дэвіс-Сіці, штат Каліфорнія, ЗША.
Памёр 2 мая 2017 года ва ўзросце 89 гадоў[2].
Зноскі
Літаратура правіць
- Trần Ngọc Thống, Hồ Đắc Huân, Lê Đình Thụy (2011). Lược sử Quân lực Việt Nam Cộng hòa.