Хойніцкі краязнаўчы музей

Хойніцкі краязнаўчы музей — музей у Хойніках.

Хойніцкі краязнаўчы музей
Museum in Chojniki.jpg
Профіль комплексны
Заснаваны 1981
Падпарадкаванасць аддзел культуры Хойніцкага райвыканкама.
Месцазнаходжанне Гомельская вобласць, г. Хойнікі, вул. Карла Маркса, 19, 247622
Памеры фонду 1991
Агульная плошча 284
Выставачная плошча 233
Плошча запаснікаў 21
Тэлефон (+ 02346) 2-50-75
Адкрыты 8.30–17.30, акрамя нядзелі і панядзелка

ГісторыяПравіць

Адкрыты 25 лістапада 1982 года ў адпаведнасці з рашэннем раённага выканаўчага камітэта. Ініцыятарам стварэння музея і яго кіраўніком быў ветэран вайны, вялікі энтузіяст, краязнавец Аляксандр Максімавіч Зелянкоўскі. Музей размяшчаўся ў памяшканні былога адміністрацыйнага будынка спажывецкага таварыства, больш за дзесяць гадоў ён функцыянаваў на грамадскіх пачатках.

У 1993 годзе музей быў перанесены ў былы будынак банка, тады ж афіцыйна былі зацверджаны штатныя адзінкі музейных работнікаў.

Пасля прыняцця рашэння аб правядзенні ў 2010 годзе ў Хойніках рэспубліканскага свята — Дня беларускага пісьменства, пачалася падрыхтоўка да перанясення краязнаўчага музея ў новы будынак — былы сядзібны дом.

5 верасня 2010 года ў Дзень беларускага пісьменства Хойніцкі краязнаўчы музей зноў расчыніў свае дзверы для наведвальнікаў.

БудынакПравіць

Будынак уяўляе сабой двухпавярховы сядзібны дом, пабудаваны ў пачатку XX стагоддзя спадчынным ганаровым грамадзянінам (купцом) Андрэем Аўраамавым. Ён знаходзіцца ў гарадскім парку культуры і адпачынку, з'яўляецца помнікам архітэктуры і ўнесены ў дзяржаўны спіс гісторыка-культурных каштоўнасцей Рэспублікі Беларусь.

ЛітаратураПравіць

  • Ігнатава М. Справы музейныя / / Ленінскі сцяг (Хойнікі). – 1994. – 10 жніўня

СпасылкіПравіць