Хорст Кёлер

Хорст Кёлер (ням.: Horst Köhler; нар. 22 лютага 1943, Скербешущ) — нямецкі дзяржаўны і палітычны дзеяч. Паходзіць з сям’і бесарабскіх немцаў, якая ў 1940 г. перасялілася з малдаўскай вёскі Рышканы на тэрыторыю акупаванай Германіяй Польшчы.

Хорст Кёлер
Horst Köhler
12-ы прэзідэнт Германіі 9-ы федэральны прэзідэнт ФРГ 1 ліпеня 2004 — 31 мая 2010
Папярэднік	Ёханес Раў
Пераемнік	Крысціян Вульф
8-ы старшыня МВФ 1 мая 2000 — 4 сакавіка 2004
Папярэднік	Мішэль Камдэсю
Пераемнік	Радрыга Рато
Нараджэнне	22 лютага 1943(1943-02-22) (80 гадоў) Гайдэнштайн[d], Генерал-губернатарства[d], Трэці рэйх, Германскі рэйх
Бацька	Эдуард Кёлер
Маці	Елізавета Кёлер
Жонка	Ева Кёлер
Дзеці	дачка Ульрыка і сын Ёхен
Веравызнанне	Лютэранства
Партыя	ХДС
Член у	Трохбаковая камісія[d] Рымскі клуб[d] Verbindung Normannia Tübingen[d]
Адукацыя	Цюбінгенскі ўніверсітэт
Прафесія	Эканаміст
Дзейнасць	палітык, эканаміст
Аўтограф
Узнагароды
Сайт	Horst Köhler
Медыяфайлы на Вікісховішчы

Кар’ера

З 1965 да 1969 Келер вучыўся ў універсітэце ў Цюбінгене па спецыяльнасці «палітэканомія і паліталогія». З 1969 да 1976 ён працаваў там як асістэнт ў Інстытуце прыкладнога эканамічнага аналізу. З 1976 да 1981 ён працаваў у Федэральным міністэрстве эканомікі.

У 1982 ён памяняў месца працы на Федэральнае міністэрства фінансаў. Будучы статс-сакратаром міністэрства, з 1990 па 1993 выконваў ролю шэрпы (памочніка па справах «Вялікай сямёркі») канцлера Гельмута Коля.

З 1993 да 1998 ён быў прэзідэнтам Асацыяцыі ашчадных банкаў Германіі і наступныя 2 гады кіраваў Еўрапейскім банкам рэканструкцыі і развіцця (ЕБРР) у Лондане.

У 2000—2004 — прэзідэнт Міжнароднага валютнага фонда.

У 2004—2010 — прэзідэнт Германіі. Падаў у адстаўку з-за моцнай адмоўнай рэакцыі на яго спрэчныя выказванні наконт выкарыстання бундэсвера для абароны эканамічных інтарэсаў ФРГ.