Храм Артэміды Гемеры размяшчаецца ў грэчаскай вобласці Ахея на паўвостраве Пелапанес, прыкладна ў двухстах кіламетрах да захаду ад Афін. Прысвечаны старажытнагрэчаскай багіні Артэмідзе, якую ў гэтай мясцовасці шанавалі таксама пад імем Гемера (Дзень). Захаваныя разваліны адносяцца да храма III ст. да н.э., хоць першы храм быў прынамсі на сто гадоў старэйшы. Храм стаяў паблізу ад старажытнага горада Лусы. Раскопкі пачалі ў 1898-99 гадах аўстрыйскія археолагі, а працягнулі грэкі ў 1981 годзе.

Храм Артэміды Гемеры