Царква Святога Кірылы Тураўскага і Усіх Святых Апекуноў Беларускага Народа

Царква Святога Кірылы Тураўскага і Усіх Святых Заступнікаў Беларускага Народа — драўляны грэка-каталіцкі храм у раёне Паўночны Фінчлі ў Лондане. Царква стала першым драўляным храмам у Лондане пасля Вялікага пажару 1666 г. Таксама першая ў Лондане пабудаваная каталіцкая царква візантыйскага абраду, першы ў Заходняй Еўропе мемарыял ахвярам Чарнобыльскай катастрофы, першая беларуская грэка-каталіцкая царква, пабудаваная па-за межамі краіны.

Славутасць
Царква Святога Кірылы Тураўскага і Усіх Святых Апекуноў Беларускага Народа
англ.: Church of St Cyril of Turau and All the Patron Saints of the Belarusian People
Church of St Cyril of Turau and All the Patron Saints of the Belarusian People (2016-11-24).jpg
51°37′00″ пн. ш. 0°11′05″ з. д.HGЯO
Краіна
Месцазнаходжанне
Канфесія Беларуская Грэка-Каталіцкая Царква
Епархія Ukrainian Catholic Eparchy of Holy Family of London[d]
Архітэктар Цзывай Со
Дата заснавання 2017
Матэрыял дрэва
Сайт belaruschurch.org.uk
Лагатып Вікісховішча Царква Святога Кірылы Тураўскага і Усіх Святых Апекуноў Беларускага Народа

ГісторыяПравіць

З пачатку існавання Беларускай каталіцкай місіі ў Лондане ў 1947 годзе беларусы маліліся ў Марыйным доме, бо сваёй асобнай царквы тут не было. Архітэктар Цзыўай Со, які жыў побач, прыняў тут хрост. Ён зацікавіўся беларускай архітэктурай, атрымаўшы замову на пабудову царквы. Дзеля гэтага ездзіў у Беларусь, каб вывучаць мясцовае дойлідства.

 
Блаславенне кутняга каменя будучай царквы Святога Кірылы Тураўскага і Усіх Святых Апекуноў Беларускага Народа. Лондан, 7 лютага 2016 г.
 
Пасля ўзвядзення сцен і даху (чэрвень 2016).

Будаўніцтва пачалося ў лістападзе 2015 г., закладка фундамента была завершана ў студзені 2016 г. і кутні камень, прывезены з касцёла Святой Тройцы былога кляштара айцоў Марыян у Друі,[1] быў пакладзены 7 лютага 2016 г. у час цырымоніі, якую ўзначалілі апостальскі нунцый арцыбіскуп Антоніа Меніні і біскуп украінскай каталіцкай епархіі ў Лондане Глеб Ланчына.

Царкуву асвяцілі ў снежні 2016 года. Унутры змясціліся каля сямідзесяці чалавек — большасць беларусаў, але ня толькі. Таму набажэнства асвячэння царквы вялі на трох мовах: беларускай, украінскай і англійскай. Пасля літургіі ўнучка Якуба Коласа Марыя Міцкевіч расказала пра дзейнасць дабрачыннага фонду «Сакавік», які займаецца дапамогаю пацярпелым ад Чарнобыльскай аварыі[2].

АрхітэктураПравіць

Дызайн царквы грунтуецца на традыцыі драўляных цэркваў Беларусі і беларускага барока.[3]

Архітэктар Цзыўай Рафаэль Со атрымаў узнагароду Каралеўскага інстытуту брытанскіх архітэктараў за праект беларускай царквы[2]. У 2018 годзе Беларуская ўніяцкая царква ў Лондане перамагла ў катэгорыі «Найлепшы рэлігійны будынак» на Сусветным архітэктурным фестывалі ў Амстэрдаме[4].

Зноскі

  1. «Камень з Друі стаўся краевугольным для беларускай царквы ў Лондане». Krynica.info, 8 лютага 2016.
  2. 2,0 2,1 svaboda.org
  3. So, Tzswai. «Remembering Chernobyl: A New Chapel for London’s Belarusian Catholics». Oremus: Westminster Cathedral Magazine Архівавана 24 сакавіка 2016. (196): 20.
  4. svaboda.org

СпасылкіПравіць