Цыркуль

Цы́ркуль (ад лац.: Circulus — круг, акружнасць) — прылада для малявання акружнасцей і дуг акружнасцей, таксама можа быць выкарыстаны для вымярэння адлегласцей, у прыватнасці, на картах. Можа быць выкарыстаны ў геаметрыі, чарчэнні, для навігацыі і іншых мэтаў.

Цыркуль робіцца з металу, пластмасы, драўніны і складаецца з двух частак, злучаных шарнірам. Звычайна на канцы адной з іх размяшчаецца іголка, на канцы другой — пішучы прадмет (напрыклад, грыфель). У вымяральнага цыркуля іголкі на абедзвюх ножках.

Адмысловы набор, які змяшчае апроч цыркуля дадатковае прыладдзе (такое як зменныя іголкі) і інструменты (кронцыркуль, вымяральны цыркуль, рэйсфедар), а таксама футарал з адпаведнымі паглыбленнямі для іх завецца гатавальняй.

Галерэя

• 
  Стары металічны цыркуль
• 
  Сучасныя цыркулі
• 
  Кронцыркуль

Гл. таксама

• Штангенцыркуль
• Лінейка
• Транспарцір
• Таўшчынямер

Цікавыя факты

• Намаляваны на гербе ГДР, дзе сімвалізуе інтэлігенцыю.

Спасылкі

• Циркуль(недаступная спасылка) // Новый энциклопедический словарь изобразительного искусства (руск.)

• На Вікісховішчы ёсць медыяфайлы па тэме Цыркуль