Чуравічы

Чуравічы (руск.: Чуровичи) — сяло ў Клімаўскім раёне Бранскай вобласці Расіі. Уваходзіць у склад Чуравіцкага сельскага паселішча.

Сяло Чуравічы руск.: Чуровичи Краіна Расія Суб’ект федэрацыі Бранская вобласць Муніцыпальны раён Клімаўскі раён Каардынаты 52°10′09″ пн. ш. 31°59′33″ у. д. Заснаваны 1709 Насельніцтва ▼1 228 чал. (2013) Часавы пояс UTC+03:00 Паштовыя індэксы 243044 Код АКАТП 15228888001 Чуравічы на карце Расіі ±

Гісторыя

Слабада Чуравічы паселена ў 1709 годзе Іванам Чарналузскім па дазволе гетмана Скарападскага. Гэта была стараабрадніцкая слабада, першапачаткова называлася Шчуравічы.

Да Лютаўскай рэвалюцыі 1917 года ў складзе Навазыбкаўскага павета Чарнігаўскай губерні Расійскай імперыі.

У 1917 годзе тут была ўсталявана савецкая ўлада, адноўленая пасля перыяду германскай акупацыі ў 1918 годзе. У 1919 годзе сяло перададзена ў Гомельскую губерню РСФСР, а пасля ліквідацыі губерні ў 1926 годзе ў Бранскую губерню. З 1923 па 1929 год адміністрацыйны цэнтр Чуравіцкай воласці.

З 1929 года адміністрацыйны цэнтр Чуравіцкага раёна Клінцоўскай акругі, а з 1932 года ў Клімаўскім раёне Заходняй вобласці, у 1937 годзе перададзена ў склад Арлоўскай вобласці. З 1944 года ізноў адміністрацыйны цэнтр Чуравіцкага раёна Бранскай вобласці. З 1956 года ў падпарадкаванні Клімаўскага раёна.

Вядомыя асобы

• Яўціх Емяльянавіч Бялоў — Герой Савецкага Саюза
• Іван Кандрацьевіч Краўцоў — Герой Савецкага Саюза
• Уладзімір Леанідавіч Ланін (нар. 1948) — беларускі спецыяліст у галіне тэхналогіі радыёэлектроннай апаратуры.