Чычымекі

Чычымекі — старажытны народ Мексікі, цывілізацыя якіх існавала да 1519 г.

Народ чычымекаў складаўся з качавых плямёнаў, якія пражывалі на поўначы сучаснай дзяржавы Мексікі. Мяркуецца што ў сярэдзіне XII стагоддзя яны сталі перасяляцца на поўдзень краіны, а ў пачатку XIII стагоддзя пракраліся на тэрыторыю, на якой да гэтага размяшчалася дзяржава старажытных тальтэкаў. Чычымекі заснавалі сваю дзяржаву, сталіцай якой быў Тэнайука.

Чычымекскі кіраўнік Кінацын, які кіраваў на пачатку XIII стагоддзя, перанёс сталіцу ў горад Тэшкока.Неўзабаве пасля гэтага чычымекская дзяржава па невядомых прычынах распалася, а сам Тэшкока ператварыўся ў самастойны горад-дзяржаву. Іншыя плямёны, якія ўваходзілі ў канфедэрацыю чычымекаў, таксама змаглі стварыць свае гарады-дзяржавы — атомі ў Шалтакане, акальхуа ў Каатлінчане, тэпанекі ў Аскапацалька.

Каля 1418 г. суседнія плямёны тэпанекаў здолелі захапіць горад Тэшкока і ўтрымлівалі там уладу да 1429 г. калі яны былі выгнаныя з краіны пры дапамозе ацтэкаў. У 1519 г. Тэшкока быў знішчаны іспанскімі канкістадорамі і спыніў сваё існаванне.

Літаратура

• Сычев, Николай «Книга Династий» Издательство АСТ, 2005 ISBN 5-17-032495-2

Спасылкі

• Фернанда дэ Альва Іштлільшачытль.. Гісторыя народа чычымекаў, яго паселішчы і абгрунтоўванне ў краіне Анаўак. (нявызн.). www.bloknot.info (22 сакавіка 2010). — пер. с исп. - В. Талах, Украина, Киев, 2010. Архівавана з першакрыніцы 5 снежня 2012. Праверана 29 чэрвеня 2010.