Шаршуны (аграгарадок)

Шаршу́ны (трансліт.: Šaršuny, руск.: Шершуны) — аграгарадок (да 2014 г. пасёлак) у Мінскім раёне Мінскай вобласці. Уваходзіць у склад Шаршунскага сельсавета.

Аграгарадок Шаршуны Краіна Беларусь Вобласць Мінская Раён Мінскі Сельсавет Шаршунскі Каардынаты 54°10′55″ пн. ш. 27°21′38″ у. д. Насельніцтва 525 чал. (2012) Часавы пояс UTC+3 Тэлефонны код +375 17 Паштовыя індэксы 223048 Аўтамабільны код 5 Шаршуны на карце Беларусі ±

Шаршуны на Вікісховішчы

Назва

Назва адыменная, ад дахрысціянскага аднаасноўнага балцка-літоўскага антрапоніма (імя) Šaršas.

У сучаснай літоўскай антрапаніміі вядомае прозвішча Šaršūnas, якое, маючы патранімічны суфікс -ūn-, выводзяць ад пачатковага Šaršas.

Побач з Шаршунамі — вёскі з адыменнымі назвамі балцка-літоўскага паходжання Раўкуццевічы, Даўбарова, Кукелеўшчына, Мітраўшчына (цяпер Мідраўшчына).

Прыкметныя мясціны

За вёскай Шаршуны, калі ехаць на Даўбарова, —добраўпарадкаваныя крыніцы, з якіх плыні злева цякуць у раку Удру. Цераз раку, на яе левым беразе — вёска Курганы, названая так ад наяўнасці курганоў.

За некалькі кіламетраў ад Шаршунаў ва ўсходні бок — балцкае гарадзішча ля вёскі Дворышча.

Царква

У 2018 годзе пачалося будаўніцтва храмавага комплексу св. Іаана Прадцечы на сродкі вядомага расійскага мільярдэра Міхаіла Гуцырыева.

3 кастрычніка 2018 года мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў чын на заснаванне царквы і ўзвядзенне крыжа ў будуемым храме ў гонар Прарока, Прадцечы і Хрысціцеля Гасподняга Іаана, падчас якога здзейсніў закладку каменя і памятнай граматы ў падмурак храма.

• 
  Кантора
• 
  Школа
• 
  Крама
• 
  Школа
• 
  Клуб
• 
  Былая амбулаторыя
• 
  Новая царква

Спасылкі

• На Вікісховішчы ёсць медыяфайлы па тэме Шаршуны (аграгарадок)