Юрый Барысавіч Багушэвіч

Юрый Барысавіч Багушэвіч (23 красавіка 1946, Глыбокае, Глыбоцкі раён, Віцебская вобласць — 20 снежня 2022) — беларускі мастак.

Юрый Барысавіч Багушэвіч
Дата нараджэння	23 красавіка 1946(1946-04-23)
Месца нараджэння	Глыбокае, Глыбоцкі раён, Полацкая вобласць, БССР, СССР
Дата смерці	20 снежня 2022(2022-12-20) (76 гадоў)
Месца смерці	Мінск, Беларусь
Грамадзянства	Беларусь
Род дзейнасці	мастак
Вучоба	Мінскае мастацкае вучылішча (1966) Беларускі дзяржаўны тэатральна-мастацкі інстытут (1973)
Уплыў	Гаўрыла Харытонавіч Вашчанка
Член у	Беларускі саюз мастакоў

Біяграфія

Нарадзіўся 23 красавіка 1946 года ў Глыбокім. Скончыў у 1966 годзе Мінскае мастацкае вучылішча, у 1973 годзе Беларускі тэатральна-мастацкі інстытут. Вучыўся ў Г. Вашчанкі. Удзельнік мастацкіх выставак з 1967 года.

Член Беларускага саюза мастакоў з 1978 года.

Памёр 20 снежня 2022 года ў Мінску.

Творчасць

Працаваў у манументальна-дэкаратыўным, а таксама ў станковым жывапісе. Асноўныя творы: роспіс «Песня аб Беларусі» ў Палацы культуры тарфянікаў г. п. Праўдзінскі Мінскай вобласці; мастацкае афармленне станцыі метро «Плошча Я. Коласа» ў Мінску; мазаікі «Зямля, абпаленая вайной», «Зямля адроджаная», «Асветнікі» на Брэсцкім электрамеханічным заводзе, «Салют» на фасадзе кінатэатра «Салют» у Мінску, размалёўка «Мінск — горад-герой» у былым будынку Мінскага гаркама КПБ (усё ў сааўт.); карціны «Жніво», «Цёплая ноч», «Юнацтва нашых бацькоў».

Літаратура

• Багушэвіч Юрый Барысавіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.
• Энцыклапедыя літаратуры і мастацтва Беларусі. Т. 1. — Мн., 1984. — С. 260.