Ян Пятровіч Мяноўскі
Ян Пятровіч Мяноўскі (2 ліпеня 1904, цяпер Беластоцкае ваяводства, Польшча — 24 красавіка 1992) — каталіцкі святар.
Ян Пятровіч Мяноўскі | |
---|---|
Адукацыя | |
Нараджэнне |
2 ліпеня 1904 |
Смерць |
24 красавіка 1992 (87 гадоў) |
Біяграфія правіць
З польскай сялянскай сям’і. Скончыў Віленскую духоўную семінарыю. Прыняў сакрамэнт святарства 21 красавіка 1929.
Прызначаны вікарыем парафіі св. Міхаіла Арханёла ў мястэчка Ашмяны аднайменнага дэканата. З 24 чэрвеня 1931 вікарый фарнага касцёла Унебаўзяцця Найсвяцейшай Дзевы Марыі у Беластоку, праз год у парафіі Божага Провіду ў вёсцы Кузніца (цяпер Польшча).
З 1933 у касцёле Маці Божай Вастрабрамскай у в. Язна. З 24 красавіка 1936 пробашч парафіі НПМ Каралевы Польшчы ў в. Вялікая Рагозніца Ваўкавыскага дэканата. 28 красавіка 1939 года прызначаны капеланам рэзерву польскага войска ў званні капітана. Мабілізаваны ў жніўні 1939 як капелан пяхотнага палка, але па дарозе з Брэста ў Львоў застаўся пад нямецкай акупацыяй.
З мая 1947 пасля арышту А. Банькоўскага меў пад апекаю парафію Божага Цела і св. Мучаніка Юрыя ў в. Крамяніца Ваўкавыскага дэканата, касцёл Беззаганнага Зачацця НПМ у мястэчку Зэльва, парафію Унебаўзяцця НПМ у в. Дзярэчын Слонімскага дэканата.
Арыштаваны НКУС 20 жніўня 1947 года. Асуджаны 10 кастрычніка 1947 года да 10 гадоў ППЛ і 5 гадоў пазбаўлення правоў з канфіскацыяй маёмасці. Этапаваны праз Оршу, Смаленск, Маскву, Котлас у Інцінскі лагер МДБ Комі АССР. У 1950 годзе пераведзены ў Краснаярскі лагер МДБ.
Вызвалены 25 снежня 1954 года. Вярнуўся ў Вялікую Рагозніцу. Акрамя служэння ў сваёй парафіі выязджаў у Крамяніцу, Струбніцы, Пескі, Масты і інш. Не атрымаўшы дазволу на душпастырскую дзейнасць у Беларусі, Мяноўскі спрабаваў уладкавацца на Украіне, але беспаспяхова. У 1958 годзе выехаў у Польшчу.
Зноскі
Літаратура правіць
- Маракоў, Л. МЯНОЎСКІ Ян Пятровіч // Рэпрэсаваныя каталіцкія духоўныя, кансэкраваныя і свецкія асобы Беларусі (1917—1964) / Леанід Маракоў. — Мінск: Смэлтак, 2009. — С. 298-299. — 776 с. — ISBN 978-985-6917-12-0.