Яўген Кірылавіч Торлін

Яўген Кірылавіч Торлін, часам Тарлін (6 (18) сакавіка 1862 — ?) — грамадзянскі інжынер, архітэктар.

Яўген Кірылавіч Торлін
Дата нараджэння	1862
Дата смерці	не раней за 1892
Альма-матар	Кіеўскае рэальнае вучылішча[d] Санкт-Пецярбургскі дзяржаўны архітэктурна-будаўнічы ўніверсітэт
Медыяфайлы на Вікісховішчы

Біяграфія

Дзяцінства і адукацыя

Нарадзіўся ў 1862 годзе. Са стараабрадніцкай сям’і.

Сярэднюю адукацыю атрымаў у Кіеўскім рэальным вучылішчы. У 1882 годзе паступіў у Пецярбургскі інстытут грамадзянскіх інжынераў. Скончыў ў 1887 годзе па першым разрадзе.

Прафесійная дзейнасць

Жаночая гімназія імя князя Далгарукава ў Навазыбкаве

Будынак былой гарадской думы ў Гомелі па вул. Савецкай, 1

У час свайго студэнцтва Я. Торлін удзельнічаў у якасці памочніка гарадскога архітэктара Мікалаева ў пабудовах епархіяльнага жаночага вучылішча і мураванай царквы ў Кіеве. Па адбыцці воінскай павіннасці прызначаны ў 1888 годзе гарадскім архітэктарам у Гомелі і займаў пасаду прынамсі да 1892 года. Пэўны час (да лютага 1900 года) значыўся ‭звышштатным тэхнікам будаўнічага аддзялення магілёўскага губернскага праўлення. Паралельна меў прыватную практыку ў Кіеве, на якой і засяродзіўся, пра што сведчаць звесткі 1899—1916 гадоў.

Акрамя абавязкаў па службе Яўген Торлін рабіў таксама прыватныя праекты па пабудове мураваных і драўляных пабудоў у Гомелі і бліжэйшых павятовых гарадах, напрыклад, жаночай гімназіі імя князя Далгарукава ў Навазыбкаве.

Творчасць

• Розныя гарадскія будынкі і збудаванні ў Гомелі:
  • Прыстань пры Сажы
  • Гасціны двор
  • Мураваны двухпавярховы будынак з падвалам для гарадскіх устаноў
  • Прыватныя пабудовы ў Гомелі і іншае
• Будынак жаночай гімназіі ў Навазыбкаве Чарнігаўскай губерні