Будынак гарадской думы (Гомель)

Будынак гарадской думы — будынак у Гомелі, размешчаны па адрасе вул. Савецкая, 1.

Славутасць
Будынак гарадской думы (Гомель)
52°25′32″ пн. ш. 31°00′55″ у. д.
Краіна	Беларусь
Горад	Гомель
Архітэктурны стыль	эклектыка
Архітэктар	Яўген Кірылавіч Торлін
Статус	Гісторыка-культурная каштоўнасць Беларусі, шыфр 313Г000073
Медыяфайлы на Вікісховішчы

Гісторыя

Пабудаваны ў 1880-я гады (арх. Я. Тарлін) з цэглы. На першым паверсе размяшчаліся крамы і канторы, а на другім — гарадская дума. Пасля рэвалюцыі ў будынку размяшчалася рэдакцыя газеты «Гомельская праўда». З 1921 у будынку знаходзяцца два цэхі фабрыкі «Палесдрук». У 1970 на будынку ўсталявана мемарыяльная дошка ў гонар Ц. С. Барадзіна. У 2017 годзе на будынку ўсталяваны мемарыяльныя дошкі ў гонар поўнага кавалера ордэна Славы В. Д. Вятошкіна і Героя Савецкага Саюза Ц. С. Барадзіна, якія некалі працавалі тут на фабрыцы «Палесдрук».

Архітэктура

Прамавугольны ў плане 3-павярховы будынак (3-і паверх надбудаваны ў 1935), вокны 2-га і 3-га паверхаў аформлены ліштвамі і завершаны франтончыкамі. Цэнтральная частка будынка вылучана лапаткамі. Паверхі аддзеляны цагляным зубчатым поясам і квадратнымі філёнгамі. Вуглы апрацаваны руставанымі лапаткамі. У дэкаратыўным афармленні будынка праявіліся рысы эклектызму.

Галерэя

• Гістарычныя выявы першай паловы ХХ ст.
• 

  Па Мільённай вуліцы (справа).

• 

  З боку Румянцаўскай вуліцы, Саборнай плошчы, Саборнага спуску.

• 

  Ад Саборнай плошчы і Саборнага спуску (справа).

• 

  Ад Саборнай плошчы і Саборнага спуску (справа).

• 

  З боку гандлёвых радоў (справа)

• 

  З боку сквера 25-га сакавіка.

• 

  Ад рога Савецкай і Працоўнай

Літаратура

• Гомель. Энциклопедический справочник / Гл. редактор И. П. Шамякин. — Мн. : БелСЭ им. П. Бровки, 1991. — 528 с. ISBN 5-85700-054-8

Спасылкі

• На Вікісховішчы ёсць медыяфайлы па тэме Будынак гарадской думы (Гомель)
• Здание бывшей городской думы(недаступная спасылка) на сайце planetabelarus.by

• Будынак гарадской думы (Гомель) на сайце «Архіварта»