Брый

Брый, Брыум (Bryum) — род лістасцябловых імхоў сямейства брыевых.

Брый
Брыум серабрысты (Bryum argenteum)
Навуковая класіфікацыя
прамежныя рангі Дамен:  Эўкарыёты Царства:  Расліны Нададдзел:  Мохападобныя Аддзел:  Імхі Клас:  Лістасцябловыя імхі Падклас:  Брыевыя імхі Парадак:  Bryales Сямейства:  Брыевыя Род:  Брый
Міжнародная навуковая назва
Bryum Hedw.
Сістэматыка на Віківідах Выявы на Вікісховішчы ITIS   15957 NCBI   37412 EOL   53807

Апісанне

Дзярнінкі зялёныя, жоўтыя, бурыя, чырванаватыя, радзей серабрыстыя. Сцябло даўжынёй 0,5—25 см, прамастойнае, простае або галінастае, з рызоідамі. Лісце ад крутлавата-яйцападобнага і тупога да ланцэтаага і завостранага. Каробачка са спорамі ад шарападобнай да цыліндрычнай, на чырванаватай ножцы. Вечка пукатае, з бародаўхай.

Арэал і экалогія

Налічваецца больш за 800 відаў. Пашыраны па ўсім зямным шары. На Беларусі найбольш часта трапляюцца брый валасканосны (Bryum capillare), брый дзірваністы (Вryum caespiticum), брый няправільнатрохгранны (Bryum pseudotriquetrum) і брыум серабрысты (Bryum argenteum); вельмі рэдкі від — брыум Клінгрэфа (Bryum klinggraeffii). Растуць на глебах, асакова-гіпнавых балотах, берагах рэк і ручаёў, збудаваннях, камянях і іншых субстратах, многія — піянеры глебавых агаленняў, ёсць віды-касмапаліты.

Вегетатыўнае размнажэнне вывадкавымі пупышкамі, ніткамі і інш.

Літаратура

• Рыкоўскі Г. Ф. Брый // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).

Спасылкі

• Бриум: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)