Дарослыя самцы маюць даўжыню 5-7 мм, самкі — 10-13 мм[2].
Crenosoma striatum сустракаецца па ўсёй Еўропе і Азіі, дзе распаўсюджаны вожыкі.
Жывародзячыя самкі выпускаюць лічынак першай стадыі памерам прыкладна 300 мкм. Яны выкашліваюцца, праглынаюцца, вылучаюцца з фекаліямі і пранікаюць праз скуру ў прамежкавага гаспадара — слімака. Інфекцыйная лічынка трэцяй стадыі развіваецца прыкладна праз тры тыдні і праглынаецца вожыкамі пры харчаванні слімакамі. Прэпатэнтны перыяд — тры тыдні[2]. Аднак вожыкі таксама могуць праглынуць лічынак непасрэдна, калі яны знаходзяцца ў месцах, забруджаных заражанымі фекаліямі. Таксама паразіт перадаецца маладняку праз малако маці.
Сімптомы інвазіі і дыягностыка
правіць
Большасць дзікіх вожыкаў заражаныя паразітамі[3][4]. У той час як сімптомы могуць не быць відавочнымі пры лёгкай інвазіі, сярод іншых сімптомаў могуць назірацца кашаль, дыхавіца, страта вагі, зніжэнне апетыту, слабасць і зніжэнне актыўнасці. У крайніх выпадках заражэнне можа прывесці да смерці жывёлы.
Для дыягностыкі кал можа быць даследаваны пад мікраскапіяй на наяўнасць лічынак.
Зноскі
- ↑ Бычкова Е. И, Акимова Л. Н., Дегтярик С. М., Якович М. М. Гельминты позвоночных животных и человека на территории Беларуси : каталог / [Е. И. Бычкова и др. ; Национальная академия наук Беларуси, Государственное научно-производственное объединение "Научно-практический центр по биоресурсам"]. — Минск: Беларуская навука, 2017. — С. 8-12. — 315 с. — ISBN 978-985-08-2187-4.
- ↑ а б Wieland Beck und Nikola Pantchev. Praktische Parasitologie bei Heimtieren: Kleinsäuger - Vögel - Reptilien - Bienen. — ISBN 978-3-8426-8518-5.
- ↑ У даследаванні мёртвых вожыкаў, праведзеным у Фінляндыі, 79 % усіх даследаваных жывёл былі заражаныя Crenosoma striatum:Anni Rautio, Marja Isomursu, Anu Valtonen, Varpu Hirvelä-Koski, Mervi Kunnasranta. Mortality, diseases and diet of European hedgehogs (Erinaceus europaeus) in an urban environment in Finland. — DOI:10.1007/s13364-015-0256-7.
- ↑ Пры даследаванні фекаліяў вожыка Crenosoma striatum была выяўлена ў 43,69 % узораў:C. Epe, T. Schnieder, M. Stoye. Results of parasitological examinations of fecal samples from horses, donkeys, dogs, cats and hedgehogs between 1993 and 1997.
