Чайкавыя (Laridae) — сямейства птушак, якія жывуць на марскіх прасторах або ўнутраных вадаёмах, а таксама ў межах населеных пунктаў.
Вялікія і сярэдніх памераў водныя птушкі з доўгімі крыламі, добра лятаюць і плаваюць, але слаба або зусім не ныраюць. Палавы дымарфізм не выразны, але прысутнічае сезонны і ўзроставы. Гняздуюцца часцей за ўсё на зямлі або скалах, каланіяльна.
Сямейства ўключае ў сябе каля 60 відаў птушак, пераважная большасць з якіх адносіцца да роду сапраўдных чаек, якіх у вузкім сэнсе таксама звычайна называюць чайкамі.
- Птушкі Еўропы: Палявы вызначальнік / пад рэд. М. Нікіфарава. — Варшава: Навуковае выдавецтва ПНВ, 2000.
