Oklahoma

«Oklahoma» — песня амерыканскага выканаўцы Білі Гілмэна з альбома «One Voice».

«Oklahoma»
Сінгл выканаўцы Білі Гілмэна з альбома One Voice
Выпушчаны	9 Кастрычніка 2000 года
Фармат	CD, Аўдыёкасеты
Запісаны	2000
Жанр	Кантры
Працягласць	7:18
Лэйбл	Epic Nashville
Прадзюсар	Дон Кук, Дэвід Мэлой, Блэйк Чэнсі
Аўтар песні	Джон Аллен, Д. Вінсэнт Уільямс
Білі Гілмэна, храналогія сінглаў
«One Voice» (2000) «Oklahoma» (2000) «There's a Hero» (2001)
"Oklahoma" на YouTube

Гэта другі сінгл, які быў запісаны Гілмэнам і выдадзены ў кастрычніку 2000 года пасля «One Voice» з аднайменнага альбома. Сінгл увайшоў у 40 найлепшых паводле чарта песень у стылі кантры з пікавай пазіцыяй на 33-ім радку. Таксама «Oklahoma» трапіла ў чарт «US Billboard Hot 100», дасягнуўшы максімальна 63-га радка.

У некаторых выданнях сінгла на CD разам з «Oklahoma» у спісе кампазіцый прысутнічае яшчэ і песня «Warm & Fuzzy» з будучага альбома Білі «Classic Christmas», які будзе выдадзены праз тыдзень пасля «Oklahoma».

Трэк-ліст

Oklahoma
№	Назва	Аўтар	Працягласць
1.	«Oklahoma»	Джон Аллен, Д. Вінсэнт Уільямс	4:04
2.	«Warm and Fuzzy»	Дон Кук, Дэвід Мэлой	3:14

Музычнае відэа

Відэа для песні здымалі ў жніўні-верасні 2000 года ў Нэшвіле пад кіраўніцтвам рэжысёра Трэя Фэнджоя, з якім Білі Гілмэн ужо супрацоўнічаў падчас здымак кліпа для "One Voice". Прэм'ерны паказ адбыўся на амерыканскім тэлеканале CMT 27 верасня 2000 года.

Відэа расказвае гісторыю 12-гадовага хлопчыка, бацька якога толькі зараз даведаўся пра яго існаванне. Хлопчык павінен пакінуць сваіх прыёмных бацькоў і адправіцца да свайго сапраўднага бацькі ў Аклахому. Хлопчыка суправаджае супрацоўніца сацыяльнай службы, якая стараецца падтрымаць яго. У гэты час у Аклахоме бацька хлопчыка перажывае цяжкія моманты перад сустрэчай. Рэжысёр адвёў Білі Гілмэну ролю назіральніка, а не галоўнага ўдзельніка відэакліпа. Гілмэн прысутнічае ў кліпе ў ролі іншага сына, які чакае прыбыцця свайго брата. Апошняе робіцца зразумелым толькі ў канцы відэакліпа. Увогуле, відэа пастроена вельмі арганічна так, што некаторыя гледачы дагэтуль лічаць, што ў кліпе дэманструюцца кадры з нейкага кінафільма.

У Беларусі відэа ўпершыню было прадэманстравана на Беларускім тэлебачанні ў праграме "Відзьма-нявідзьма" ў 2001 годзе.