Politzek.me
Politzek.me — беларуская платформа для дапамогі палітычным зняволеным у Беларусі, якая змяшчае актуальную базу палітычных зняволеных у Беларусі[1]. Была створана ў лістападзе 2020 года пасля пачатку масавых пратэстаў[2] прадвыбарным штабам Віктара Бабарыкі, кандыдата ў прэзідэнты на выбарах 2020 года, пры інфармацыйнай падтрымцы Праваабарончага цэнтра «Вясна»[3]. Кіраўнік арганізацыі і яе сузаснавальніца Іна Кавалёнак[4].
| Politzek.me | |
|---|---|
 | |
| Тып | Некамерцыйная арганізацыя |
| Год заснавання | лістапад 2020 |
| Заснавальнікі | Штаб Віктара Бабарыкі |
| Размяшчэнне |
 Беларусь,  Польшча,  Літва |
| Ключавыя фігуры | Сузаснавальніца і кіраўніца - Іна Кавалёнак |
| Сфера дзейнасці | Правы палітычна зняволенных |
| Колькасць супрацоўнікаў | Па стане на ліпень 2024 года ў арганізацыі Politzek.Me працуе 7 чалавек, а таксама пэўная колькасць валантэраў дапамагае падтрымліваць дзейнасць арганізацыі. |
| Слоган | «Политзаключенный - мой друг. Бери и дружи!» |
| Вэб-сайт | politzek.me |
Апісанне арганізацыі
правіцьПлатформа была створана для таго, каб зрабіць тэму палітвязняў больш даступнай і дэстыгматызаваць саміх палітвязняў, укараняючы творчыя рашэнні[5]. Праект стартаваў як сайт з базай даных беларускіх палітвязняў і іх гісторыямі. Заходзячы на сайт карыстальнік можа даведацца пра актуальную інфармацыю пра палітвязня, напісаць ліст палітвязню[6][7], адправіць паштоўку, зрабіць ахвяраванне, ці адправіць пасылку ў СІЗА і інш[8]. Карыстальнік таксама можа ананімна пазначыць, што аказвае дапамогу канкрэтнаму палітвязню, дадаўшы яго ў сябры на сайце. Пад сяброўствам разумеецца выкананне пэўных дзеянняў абранаму палітвязню для падтрымкі, але без прамога кантакту з чалавекам. Колькасць сяброў кожнага палітвязня адлюстроўваецца на сайце Politzek.me.[9]
Politzek.me лічыць, што лісты могуць стаць для палітвязняў крыніцай падбадзёрвання і падтрымкі, а ахвяраванні сем’ям палітвязняў могуць аблегчыць фінансавыя цяжкасці, з якімі сем’і сутыкаюцца пасля затрымання блізкіх, а таксама забяспечыць рэсурсы, неабходныя для падтрымкі сем’ямі саміх зняволеных[10].
Агульная ідэя сайта заключаецца ў тым, каб даць людзям магчымасць дзейнічаць і падтрымліваць тых, хто змагаецца за дэмакратыю і правы чалавека ў Беларусі, а таксама садзейнічаць павышэнню дасведчанасці пра сітуацыю ў міжнароднай супольнасці[8].
У лютым 2023 года каманда Politzek.me запусціла свой анлайн-часопіс «Politzek Times»[11][12][5]. У часопісе расказваецца пра тое, што беларускія палітвязні перажываюць і ў зняволенні, і пасля вызвалення[13][14].
У лістападзе 2023 года інтэрнэт-старонкі праекта былі прызнаны экстрэмісцкімі матэрыяламі ў Беларусі[15], а ў красавіку 2024 года Міністэрства ўнутраных спраў Рэспублікі Беларусь абвясціла politzek.me «экстрэмісцкім фарміраваннем»[16].
Politzek.me увесь час абнаўляе спіс палітвязняў, бо іх колькасць змяняецца пастаянна. Так па стане на лістапад 2021 года Politzek.me называе палітвязнямі ў Беларусі 1074 чалавекі[17], у снежні 2021 года — 1104 чалавекі[18], у маі 2022 года — 1457 чалавек[19]. На працягу 2021 і 2022 гадоў колькасць палітвязняў у Беларусі павялічвалася вельмі хутка, і ўжо ў кастрычніку 2022 года Politzek.me называў палітвязнямі ажно 1651 чалавека[20].
Па стане на ліпень 2024 года Politzek.me называе палітвязнямі ў Беларусі 1570 чалавекі[21].
Партнёры Politzek.me
правіць- Праваабарончы цэнтр «Вясна»
- Письмо.бел
- Dissident.by[5]
Крыніцы
правіць- ↑ Представительница проекта politzek.me: с 2020 года не было ни одной недели, чтобы не увеличивалось число политзаключенных в Беларуси (руск.). lrt.lt (23 сакавіка 2023). Праверана 30 сакавіка 2023.
- ↑ Доклад ООН свидетельствует о массовых репрессиях в Беларуси в августе 2020 года | Новости ООН (руск.). news.un.org (17 сакавіка 2022). Праверана 30 сакавіка 2023.
- ↑ Штаб Бабарико запустил сайт для дружбы с политзаключёнными (руск.)(недаступная спасылка). dev.by. Архівавана з першакрыніцы 31.03.2023.
- ↑ Tim McNulty. Belarus insider lifts lid on life inside Lukashenko's police state (англ.). Express.co.uk (19 сакавіка 2023). Праверана 3 красавіка 2023.
- ↑ а б в “Каждая история политзаключенного достойна быть услышанной”. Разговор с Politzek.me о значении проекта (руск.). Беларуская асацыяцыя журналістаў (26 студзеня 2023). Праверана 3 красавіка 2024.
- ↑ Екатерина Котрикадзе. 3000 уголовных дел после протестов: в каких условиях оказались политзэки в Беларуси и как им помочь? (руск.). Дождь (3 сакавіка 2021). Праверана 3 красавіка 2024.
- ↑ Politzek.me: Глабальная сітуацыя заўсёды будзе складанай, але ёсць рэчы, якія ў нашых сілах . Беларуская служба Польскага радыё (22 верасня 2022). Праверана 3 красавіка 2023.
- ↑ а б Inna Kavalionak, Ala Sivets. Friend a Political Prisoner, Join a Revolution (англ.). ICNC (30 чэрвеня 2021). Праверана 3 красавіка 2023.
- ↑ Политзаключённый — мой друг. Бери и дружи уже сейчас! (руск.). politzek.me. Праверана 30 сакавіка 2023.
- ↑ Простые способы помочь политзаключённым РБ. Инструкции на Politzek.me / Новости Беларуси
- ↑ Беларусы запустили журнал Politzek Times (руск.). Маланка Медиа (18 лютага 2023). Праверана 30 сакавіка 2023.
- ↑ Каманда праекта Politzek.me запускае часопіс Politzek Times. Наша Ніва (16 лютага 2023). Праверана 3 красавіка 2024.
- ↑ Home (руск.)(недаступная спасылка). media.politzek.me. Архівавана з першакрыніцы 29 сакавіка 2023. Праверана 30 сакавіка 2023.
- ↑ «Пыточная — грязное, вонючее, заблеванное место». Монолог бывшего политзаключенного о своих месяцах в неволе (руск.). Zerkalo.io (24 лютага 2023). Праверана 31 сакавіка 2023.
- ↑ Сітуацыя з правамі чалавека ў Беларусі. Лістапад 2023. Праваабарончы цэнтр «Вясна» (6 снежня 2023).
- ↑ Ініцыятыву "politzek.mе" прызналі "экстрэмісцкім фармаваннем": хроніка пераследу 3 красавіка. Праваабарончы цэнтр «Вясна» (3 красавіка 2024).
- ↑ Instagram. www.instagram.com. Праверана 6 ліпеня 2024.
- ↑ Instagram. www.instagram.com. Праверана 6 ліпеня 2024.
- ↑ Instagram. www.instagram.com. Праверана 6 ліпеня 2024.
- ↑ Instagram. www.instagram.com. Праверана 6 ліпеня 2024.
- ↑ Политзаключённый — мой друг. Бери и дружи уже сейчас!. politzek.me. Праверана 6 ліпеня 2024.
Спасылкі
правіць- politzek.me. Истории из мира политзаключенных, без которых мы уже не мы (руск.). Politzek times - Время политзеков. Архівавана з першакрыніцы 29 сакавіка 2023.