Staphylinus caesareus — від жукоў сямейства стафілінідаў (Staphylinidae)[1].
Staphylinus caesareus |
|
Навуковая класіфікацыя |
---|
прамежныя рангі
Від: | Staphylinus caesareus |
|
Міжнародная навуковая назва |
---|
Staphylinus caesareus Cederhielm, 1798
|
|
Жук даўжынёй да 25 мм. Цела чорнага колеру. Аснова пярэдняспінкі з жоўтай аблямоўкай. Надкрыллі чырванавата-карычневыя, пакрытыя чорнымі валасінкамі. Крылы добра развітыя. Вусікі, сківіцы і лапы чырванавата-карычневыя. На галаве ёсць залацістыя варсінкі. Усе тэргіты брушка, акрамя апошняга, маюць па пары залацістых валасістых плям.
Жук сустракаецца ў лясах. Жыве ў падсцілцы, сярод моху і на глебе ў вільготных адкрытых участках. Актыўны ў прахалоднае надвор’е. Драпежнік, палюе на насякомых і іх лічынак. Спарванне адбываецца ў маі і чэрвені, а лічынкі з’яўляюцца ў жніўні. У выпадку небяспекі жук рассоўвае сківіцы і выгінае брушка наперад, каб запалохаць ворага. Лічынкі гэтакія ж драпежныя, як і дарослыя насякомыя. Пасля трэцяй лінькі яны акукляюцца ў глебе.
Зноскі