Transmission

Transmission — просты і свабодны BitTorrent-кліент, большай часткай пад ліцэнзіяй GNU GPL з дробнымі фрагментамі пад ліцэнзіяй MIT.

Transmission
Transmission версіі 2.22 у Mac OS X
Тып	файлаабменныя сеткі
Аўтар	The Transmission Project
Распрацоўшчыкі	суполка
Напісана на	C, Objective-C
Інтэрфейс	графічны (GTK+, Qt), камандны радок, вэб-інтэрфейс
Аперацыйная сістэма	Windows (порт Transmission-Qt), Linux, Mac OS X і інш. UNIX-падобныя
Мовы інтэрфейсу	беларуская і яшчэ 77 моў
Першы выпуск	верасень 2005
Апошняя версія	4.0.6 (24 жніўня 2023)
Стан	актыўны
Ліцэнзія	GNU GPL, часткова пад MIT
Сайт	www.transmissionbt.com
Медыяфайлы на Вікісховішчы

Transmission магчыма запусціць на Mac OS X (інтэрфейс Cocoa), іншых Unix-падобных аперацыйных сістэмах (інтэрфейс GTK+ і Qt (з версіі 1.60 на бэта стадыі), а таксама на BeOS / Zeta (натыўны інтэрфейс). Акрамя аконных інтэрфейсаў, Transmission мае магчымасць кіравання праз камандны радок і вэб-браўзер.

Transmission, у адрозненне ад шматлікіх іншых BitTorrent кліентаў, ужывае даволі мала сістэмных рэсурсаў. Праект накіраваны на стварэнне кліента з карыснай функцыянальнасцю, без празмернасцяў. З гэтай прычыны Transmission мае меней функцый, чым іншыя кліенты. Захаванне інтэрфейсу простым і інтуітыўным на ўсіх платформах з’яўляецца галоўнай мэтай дызайну.

Transmission уключаны ў склад некаторых аперацыйных сістэм, у тым ліку Debian GNU/Linux (пачынаючы з версіі 4.0 «Etch») і Ubuntu (пачынаючы з 8.04 «Hardy Heron» 2008 года), а таксама ў дыстрыбутыў Fedora 9 («Sulphur»).

Асноўныя магчымасці

Усе платформы

• Стварэнне Torrent-файлаў
• Выбарачная спампоўка і выдача прыярытэтаў файлам
• Блок-спіс
• Шыфраванне злучэнняў паміж пірамі
• Абмен пірамі (сумяшчальны з BitTorrent, Vuze і μTorrent)
• Падтрымка UPnP і NAT-PMP
• Опцыі DHT і PEX
• Хуткае аднаўленне спампоўкі з кэшаваннем піраў
• Забарона піраў, якія дасылаюць занадта шмат кепскіх даных
• Адзін порт праслухоўвання для ўсіх торэнтаў
• Magnet
• Падтрымка IPv6

Адметнасці для Mac OS X

• Загрузка і раздача чэргаў
• Просты планавальнік
• Налады для сартавання / фільтрацыі
• Налады аўтараздачы
• Абвяшчэнні Dock і Growl
• Наладжвальная панэль інструментаў
• Палепшаны індыкатар прагрэсу
• Аўтаматычнае абнаўленне з дапамогай Sparkle
• Універсальныя бінарныя файлы
• 64-бітная сумяшчальнасць (10.6 Snow Leopard)

Спасылкі

• Афіцыйны сайт
• Обзор BitTorrent-клиентов для Mac OS X // Компьютерра (руск.) Архівавана 10 красавіка 2008.
• Transmission ў сацыяльнай сетцы «Twitter»
• Порт Transmission-Qt на Windows