Іван Леапольдавіч Лысакоўскі

Іван Леапольдавіч Лысакоўскі (23 кастрычніка 1921) — савецкі разведчык, генерал-маёр (1971), беларускі ваенны і дзяржаўны дзеяч, намеснік старшыні КДБ БССР (1966—1979).

Іван Леапольдавіч Лысакоўскі
руск.: Иван Леопольдович Лысаковский
Дата нараджэння	23 кастрычніка 1921(1921-10-23) (103 гады)
Месца нараджэння	Талька, Амяльнянская воласць, Ігуменскі павет, БССР
Альма-матар	Маскоўскі інстытут інжынераў транспарту[d] Талькаўская базавая школа (1939)
Месца працы	Камітэт дзяржаўнай бяспекі Беларускай ССР
Грамадзянства	Беларусь
Прыналежнасць	СССР
Род войскаў	РСЧА, КДБ БССР
Званне	Генерал-маёр
Узнагароды і званні
У адстаўцы	1988
Медыяфайлы на Вікісховішчы

Біяграфія

Першы выпуск Талькаўскай школы 10-годкі, 1939. Іван Лысакоўскі, самы правы зверху.

Нарадзіўся ў 1921 г. у в. Талька Пухавіцкага раёна Мінскай вобласці ў сям’і чыгуначніка.

Скончыў 10 класаў школы. У 1939 г. паступіў у Маскоўскі інстытут інжынераў чыгуначнага транспарту, аднак у тым жа годзе быў прызваны ў армію. У РСЧА: з 1939 Службу пачаў у Манголіі, кіроўцам. З пачаткам Вялікай Айчыннай вайны — у дзеючай арміі. Дэмабілізаваны ў 1946 г. Пасля дэмабілізацыі вярнуўся ў родную вёску, працаваў загадчыкам бібліятэкай.

У органах дзяржбяспекі з мая 1947 г. Працаваў у падраздзяленнях па барацьбе з бандытызмам МУС — МГБ Беларускай ССР, з 1954 г. — у 2-м (контрразведка), затым у 1-м (разведка) Кіраваннях КДБ пры СМ Беларускай ССР. Выязджаў у замежкамандыроўкі ў ЗША, ГДР, Польшчу, Бельгію, Японію (1975 г.). Займаў пасады: Начальнік 1-га Упраўлення (разведка) КДБ пры СМ Беларускай ССР.

Намеснік старшыні КДБ пры СМ Беларускай ССР (1966—1976); 1-й намеснік старшыні КДБ пры СМ Беларускай ССР (1976—1979); Начальнік Вышэйшых курсаў КДБ у Мінску (1979—1988 г.).

З 1988 года ў адстаўцы.

Званні: Генерал-маёр (1971 г.); узнагароды: ордэны Чырвонага Сцяга, Айчыннай вайны I ступені, Чырвонай Зоркі, нагрудны знак «Ганаровы супрацоўнік дзяржбяспекі», 22 медалі.

Спасылкі

• Лысакоўскі Іван Леапольдавіч
• КДБ Беларускай ССР Архівавана 10 лістапада 2016.
• Беларускае тэлебачэнне: КДБ 92 года.(недаступная спасылка)
• http://belniva.sb.by/tolko-v-bn-/article/snyat-s-dovolstviya-inostrannykh-spetssluzhb-i-obezvredit-.html(недаступная спасылка)
• CTV.by/ Иван Лысаковский, советский разведчик: В Японии работали под прикрытием гидов-переводчиков (руск.) Архівавана 9 красавіка 2016.
• Генералы КДБ СССР