Іван Міхайлавіч Каратчэня
Iван Міхайлавіч Каратчэня (нар. 13 жніўня 1948 года, вёска Таль, Любанскі раён, Мінская вобласць) — беларускі палітычны дзеяч, вучоны-эканаміст, доктар эканамічных навук, прафесар. Акадэмік Міжнароднай акадэміі арганізацыйных і кіраўніцкіх навук (1994), Міжнароднай акадэміі навук інфармацыі, інфармацыйных працэсаў і тэхналогій (1995), Міжнароднай акадэміі навук вышэйшай школы (1997).
| Іван Міхайлавіч Каратчэня | |
|---|---|
| Дата нараджэння | 13 жніўня 1948 (76 гадоў) |
| Месца нараджэння | |
| Грамадзянства | |
| Род дзейнасці | аграном, палітык |
| Навуковая ступень | доктар эканамічных навук |
| Альма-матар | |
| Партыя | |
| Узнагароды |
 |
.svg){kind=small}
Біяграфія
правіцьСкончыў у 1967 годзе сельскагаспадарчы тэхнікум, а ў 1975 годзе агранамічны факультэт Беларускай сельскагаспадарчай акадэміі, у 1986 годзе — Мінскую вышэйшую партыйную школу.
У 1969—1975 гг. працаваў галоўным аграномам, намеснікам старшыні калгасу імя Беларускай ваеннай акругі Любанскага раёна. У 1975—1976 гг. — начальнікам Любанскай райдзяржсемстанціі, у 1976—1986 гг. — працаваў начальнікам упраўлення сельскай гаспадаркі, першым намеснікам старшыні Уздзенскага райвыканкама. У 1986—1990 — першым сакратаром Вілейскага гаркама КПБ.
Дэпутат Вярхоўнага Савета Беларусі (1990—1992), член Прэзідыума, старшыня Камісіі па пытаннях галоснасці, сродкаў масавай інфармацыі і правоў чалавека; дэпутат Вярхоўнага Савета Рэспублікі Беларусь (1995—1996), дэпутат Палаты прадстаўнікоў Нацыянальнага сходу Рэспублікі Беларусь (1996—2000).
У 1992—1998 гг. — Каардынатар Рабочай групы Савета кіраўнікоў дзяржаў і Савета кіраўнікоў урадаў СНД, Выканаўчы Сакратар СНД. З 2000 года на выкладчыцкай працы ў Маскве. Аўтар больш за 40 навуковых прац.
Кандыдат эканамічных навук (1994), тэма дысертацыі: «Станаўленне і ўмовы развіцця інтэграцыйнага эканамічнага саюза дзяржаў — удзельніц СНД».
Доктар эканамічных навук (1996), тэма дысертацыі: «Стратэгія і перспектывы фарміравання эканамічнага саюза краін СНД».
Некаторыя крыніцы сцвярджаюць аб імаверных кантактах Івана Каратчэні са светам злачыннасці[1],[2].
Узнагароды
правіцьУзнагароджаны ордэнам Дружбы Народаў (Расія)
Бібліяграфія
правіць- Земля находит хозяев: [Об использовании аренды в Вилейском районе Минской области] / И. М. Коротченя, Р. И. Дорский.-Минск: Ураджай. 1989
- Экономический союз суверенных государств: стратегия и тактика становления/ И. М. *Коротченя.- СпБ: Издательство СпБ университета экономики и финансов. — 1995.
- Содружестов независимых государств: портрет на фоне перемен(Составители А. Белько и др). Ответ. редактор И. М. Коротченя.- Минск:1996.
Зноскі
- ↑ Скандал в парламенте Беларуси Архівавана 5 сакавіка 2016. (руск.)
- ↑ В России нет государственного человека, или Невостребованные миллиарды Архівавана 17 жніўня 2016. (руск.)
Літаратура
правіць- Народныя дэпутаты Рэспублікі Беларусь. Дванаццатае скліканне. Мн., 1992; Парламент — Нацыянальны сход Рэспублікі Беларусь. Мн., 1997;
- Кто есть кто в Республике Беларусь. Мн., 1999. С.145-146.
- Летопись Белорусской государственной сельскохозяйственной академии (1836—2000 гг.). Издание 3-е, исп. и доп. Авт-сост. В. М. Лившиц. Горки.2000.С.96.
Спасылкі
правіць- И. М. Коротченя: биография http://belarustoday.info/?pid=586