Іван Пятровіч Шакола

Іван Пятровіч Шакола
Іван Пятровіч Шакола
Міністр сельскай гаспадаркі і харчавання Беларусі
	19 лістапада 1997 — 2 снежня 1998
Прэзідэнт	Аляксандр Лукашэнка
Кіраўнік урада	Сяргей Лінг
Папярэднік	Васіль Лявонаў
Пераемнік	Юрый Мароз
Нараджэнне	4 чэрвеня 1947 (77 гадоў); в. Кавалі, Пастаўскі раён, Віцебская вобласць
Адукацыя	Ленінградскі сельскагаспадарчы інстытут (1976)

У гэтай старонкі няма правераных версій, хутчэй за ўсё, яе якасць не ацэньвалася на адпаведнасць стандартам.

Іван Пятровіч Шакола (4 чэрвеня 1947, вёска Кавалі Пастаўскага раёна Віцебскай вобласці БССР) — беларускі дзяржаўны дзеяч. У 1997—1998 гадах міністр сельскай гаспадаркі і харчавання Беларусі.

Біяграфія

Закончыў Лукашоўскую сярэднюю школу, Смальянскі сельскагаспадарчы тэхнікум, Ленінградскі сельскагаспадарчы інстытут (1976), Мінскую вышэйшую партыйную школу (1988).

У 1966–1969 гг. служыў у Савецкай Арміі.

У 1969–1972 гг. працаваў галоўным аграномам, намеснікам старшыні калгаса імя Мічурына Пастаўскага раёна.

У 1972–1974 гг. — інструктар арганізацыйнага аддзела Пастаўскага РК КПБ.

У 1974—1979 гг. — старшыня калгаса імя Калініна Пастаўскага раёна.

У 1979–1987 гг. — 1-шы намеснік старшыні райвыканкама — начальнік упраўлення сельскай гаспадаркі Верхнядзвінскага раёна, старшыня Верхнядзвінскага райвыканкама.

У 1987–1990 гг. — 1-ы сакратар Лепельскага райкама КПБ, старшыня Лепельскага гарадскога Савета дэпутатаў.

У 1990–1991 гг. — сакратар Віцебскага абкама КПБ па сельскай гаспадарцы.

У 1991–1996 гг. — намеснік міністра сельскай гаспадаркі і харчавання Рэспублікі Беларусь.

У 1997–1998 гг. — міністр сельскай гаспадаркі і харчавання.

У 1998–2001 гг. — прэзідэнт дзяржаўнага канцэрна харчовай прамысловасці Рэспублікі Беларусь.

У 2001-2008 гг. — генеральны дырэктар ААТ "Дражджавы камбінат".

Зноскі

Літаратура

Шакола Іван Пятровіч // Памяць : гісторыка-дакументальная хроніка Пастаўскага раёна / рэдкал. : Г.К. Кісялёў [і інш.]. – Мн., 2001. – С. 511.