Ігар Васільевіч Назарук
Ігар Васільевіч Назарук (8 снежня 1965) — беларускі дыпламат.
| Ігар Васільевіч Назарук | |||||||
|---|---|---|---|---|---|---|---|
|
|||||||
| Прэзідэнт | Аляксандр Лукашэнка | ||||||
| Кіраўнік урада | Андрэй Кабякоў | ||||||
| Папярэднік | Сцяпан Сухарэнка | ||||||
| Пераемнік | Аляксандр Канюк | ||||||
| Нараджэнне | 8 снежня 1965 (58 гадоў) | ||||||
| Адукацыя | |||||||
| Дзейнасць | дыпламат | ||||||
Біяграфія правіць
Нарадзіўся 8 снежня 1965 года.
У 1992 годзе скончыў Беларускі політэхнічны інстытут па спецыяльнасці «Аўтаматызацыя і комплексная механізацыя машынабудавання». У 1984—1986 гадах — служба ў радах Савецкай Арміі. У 1986—1992 гадах — праца ў ЦКБсОП Акадэміі навук БССР і вучоба на факультэце робатаў і робататэхнічных сістэм Беларускага політэхнічнага інстытута. У 1992—1994 гадах — інжынер, СП «Дыялог-Мінск», СП «Інвест-Холдынг». У 1994—2005 гадах — на розных пасадах у мытных органах Рэспублікі Беларусь.
У 2005—2008 гадах — намеснік начальніка ўпраўлення рэгулявання знешнеэканамічнай дзейнасці Дэпартамента знешнеэканамічнай дзейнасці Міністэрства замежных спраў Рэспублікі Беларусь.
У 2008—2011 гадах — саветнік, кіраўнік гандлёва-эканамічнай службы Пасольства Беларусі ў Латвійскай Рэспубліцы. У 2011—2015 гадах — намеснік дырэктара Дэпартамента, дырэктар Дэпартамента знешнеэканамічнай дзейнасці Міністэрства замежных спраў Рэспублікі Беларусь.
25 чэрвеня 2015 года быў прызначаны Надзвычайным і Паўнамоцным Паслом Рэспублікі Беларусь у Рэспубліцы Арменія[1]. 21 верасня 2020 года ўзначаліў Дэпартамент гандлёвай палітыкі Еўразійскай эканамічнай камісіі[2].
10 лютага 2022 года прызначаны намеснікам Міністра замежных спраў Рэспублікі Беларусь[3].
Валодае англійскай і іспанскімі мовамі.
Узнагароды правіць
- медаль «За ўклад у стварэнне Еўразійскага эканамічнага саюза» II ступені (2015)[4].
Зноскі
- ↑ Прэзідэнт Беларусі назначыў новых паслоў у Азербайджане, Арменіі, Чэхіі і на Кубе Архівавана 22 ліпеня 2015.
- ↑ Директором Департамента торговой политики ЕЭК назначен Игорь Назарук
- ↑ Лукашэнка абнавіў склад кіраўніцтва МЗС і назначыў новых паслоў
- ↑ Решение Высшего Евразийского Экономического Совета от 8 мая 2015 года № 4 «О награждении медалью „За вклад в создание Евразийского экономического союза“» Архівавана 25 лютага 2021.