Ізабела Іванаўна Марціновіч

Ізабела Іванаўна Марціновіч (27 кастрычніка 1927, Багушэўск, Сенненскі раён, Віцебская вобласць) — беларускі юрыст. доктар юрыдычных навук (1969), прафесар (1971). Заслужаны работнік вышэйшай школы Беларусі (1982). Заслужаны юрыст Беларусі (1995).

БіяграфіяПравіць

Скончыла Мінскі юрыдычны інстытут (1949). У 1952 г. на выкладчыцкай рабоце ў Мiнскiм юрыдычным інстытуце, з 1956 г. – на юрыдычным факультэце Беларускага дзяржаўнага ўніверсітэта: старшы выкладчык, дацэнт. З 1971 г. – прафесар кафедры крымінальнага працэсу і пракурорскага нагляду.

Кандыдацкую дысертацыю на тэму: «Прынцып галоснасці ў савецкім крымінальным працэсе» абараніла ў 1954 г. у Маскоўскім юрыдычным інстытуце, доктарскую дысертацыю на тэму: «Развіццё суда і крымінальна-працэсуальных форм судовай дзейнасці ў Беларускай ССР (1917–1967 гг.)» – у 1969 г. у БДУ.

І. І. Марціновіч стала першай у Беларусі жанчынай прафесарам – доктарам права.

Член двух спецыялізаваных Саветаў па абароне кандыдадскіх і доктарскiх дысертацый па юрыдычных навуках пры БДУ. Навуковыя працы па пытаннях судовага ладу, пракурорскага нагляду, крымінальнага працэсу, гісторыі дзяржавы і права Беларусі.

УзнагародыПравіць

  • Заслужаны работнiк вышэйшай школы Беларускай ССР (1982 г.).
  • Заслужаны юрыст Рэспублiкi Беларусь (1995 г.).
  • Узнагароджана Граматай Вярхоўнага Савета БССР.
  • Ганаровы работнік юстыцыі Беларусі (2007 г.).
  • Лаўрэат прэміі імя В.І. Пічэты (2006 г.)

Выбраныя навуковыя працыПравіць

  • Мартинович И.И. Адвокатура Беларуси: история и современность. Минск, 2002;
  • Мартинович И.И., Пастухов М.И. Судебно-правовая реформа в Республике Беларусь: Суд присяжных и другие новвоведения. Минск,1995
  • Мартинович И.И. История суда Белорусской СССР.1917-1967.-Минск.:БГУ, 1961
  • Мартинович И.И. «Проблемы модернизации судебной системы Беларуси в постсоветский период».// Судебные реформы в странах СНГ. С.15-28. Минск, 2005. Тесей.

Зноскі

ЛітаратураПравіць

  • БЭ ў 18 тамах. Т.10, Мн., 2000, С.148