Ініцыятыва «Крэатыўныя гарады і рэгіёны»

ініцыятыва Праграмы ЕС і Усходняга партнёрства «Культура і крэатыўнасць»

Крэатыўныя гарады і рэгіёны — гэта ініцыятыва Праграмы ЕС і Усходняга партнёрства «Культура і крэатыўнасць», асноўная мэта якой — дапамога малым і сярэднім гарадам, а таксама рэгіёнам краін Усходняй Еўропы развіваць свой творчы патэнцыял.

Горад Светлагорск - адзін з удзельнікаў ініцыятывы "Крэатыўныя гарады і рэгіёны"

Храналогія правіць

  • адкрыты конкурс для пошуку пілотных гарадоў: лістапад 2016-студзень 2017
  • мэпінг у шасці краінах УП: сакавік-чэрвень 2017
  • вынікі і планы дзеянняў мусяць быць прадстаўленыя ў верасні 2017

Этапы ініцыятывы правіць

  1. Прыём заявак: вызначаюцца шэсць маленькіх і сярэдніх гарадоў або рэгіёнаў, якія адпавядаюць крытэрыям культурнага і крэатыўнага патэнцыялу на тэрыторыі краін Усходняга партнёрства.
  2. Распрацоўка методыкі: распрацоўваюцца методыкі ацэнкі пры уліку мясцовых асаблівасцей.
  3. Падрыхтоўка шасці дэталізаваных справаздач: ствараюцца схемы мясцовых культурных і крэатыўных рэсурсаў і прапануюцца планы дзеянняў для развіцця культурнага і крэатыўнага патэнцыялу дакладнай мясцовасці разам з асноўнымі мясцовымі зацікаўленымі асобамі.
  4. Развіццё доўгатэрміновай сеткі крэатыўных гарадоў і рэгіёнаў: у выніку - наданне значнасці ініцыятыве ў плане абмену перадавым вопытам і ведамі, абмену спецыялістамі і ініцыявання сумесных праектаў у межах рэгіёну, а таксама з іншымі крэатыўнымі гарадамі і рэгіёнамі Еўрапейскага Саюза.

Спіс удзельнікаў правіць

У ініцыятыве могуць прымаць удзел малыя і сярэднія гарады і рэгіёны краін Усходняга партнёрства (памер насельніцтва ў якіх вар'еіруецца ад 15 да 250 тыс. чалавек). На 2017 год усяго былі абраны 6 гарадоў і рэгіёнаў:

Горад Сісіян (Арменія) правіць

 
Адна з шматлікіх выяў петрогліфаў Ухтасара

Горад Сісіян у Сюнікскай вобласці на поўдні Арменіі (217 км ад Ерэвана) налічвае 15 000 жыхароў, яшчэ каля 30 000 чалавек жывуць у 35 суседніх вёсках. Праект "Креатыўныя гарады і рэгіёны" мусіць павялічыць турыстычную прывабнасць горада, які валодае для гэтага усімі неабходнымі ресурсамі. Паблізу горада знаходзяцца два помнікі нацыянальнай спадчыны: петрагліфы Ухтасару і Зорац-Карар. Адна з прыродных жамчужын рэгіёну – Шакінскі вадаспад — размешчаны ў 6 км ад Сісіяна.[1] Архівавана 2 студзеня 2021.

Рэгіён Шамкір (Азербайджан) правіць

Праект "Крэатыўныя гарады і рэгіёны" нацэлены на развіцце як гісторыка-турыстычнага, так і інтэллектуальнага патэнцыялу мясцін. Шамкір дэманструе не толькі гістарычную культурную спадчыну (рэшткі пышнага палаца Ахеменідаў перыяду V ст. да н.э., Анненфельд — нямецкае паселішча пачатку XIX ст. і ўзор нематэрыяльнай спадчыны ашугаў) — але і характарызуецца дынамічным развіццём інтэлектуальных рэсурсаў (сучасных адукацыйных устаноў, якія выхоўваюць цікавасць да гульні ў шахматы і іншых развіваючых гульняў).[2] Архівавана 2 студзеня 2021.

Горад Светлагорск (Беларусь) правіць

Праект "Крэатыўныя гарады і рэгіёны" зацікаўлены ў дапамозе стварэння для горада Светлагорск новага іміджу, які будзе напрамую звязаны з крэатыўным падыходам да вырашэння сацыяльных праблем. Прыкладам паспяховай ініцыятывы самога горада можна назваць мясцовую ініцыятыву «Светлагорск. Мясцовы. Наш.» і яе рэалізацыю ў розных месцах грамадскага карыстання. У горадзе таксама дзейнічае некалькі графіці-ініцыятыў, праводзяцца мерапрыемствы ў грамадскіх месцах, на аўтобусных прыпынках. Светлагорск мае вопыт у рэалізацыі інтэграцыйных праектаў для людзей з абмежаванымі магчымасцямі.[3] Архівавана 2 студзеня 2021.

 
Горы Гудауры

Рэгіён Мцхета-Мтыянеці (Грузія) правіць

Гэты рэгіён цікавы для праекта "Крэатыўныя гарады і рэгіёны" з-за сваёй гістарычнай значнасці: ў 1994 годзе манастырскія комплексы горада Мцхета былі ўключаны ў Спіс сусветнай культурнай спадчыны ЮНЕСКА. Таксама ініцыятыва жадае выявіць турыстычны патэнцыял месца: галоўная магістраль Мцхета-Мтыянэці — Ваенна-Грузінская дарога — перасякае Вялікі Каўказ, злучаючы Тбілісі з гарналыжным курортам Гудауры — адным з самых папулярных месцаў для альпінізму і пешага турызму. Яна лічыцца адным самых цікавых турыстычных маршрутаў Грузіі[4] Архівавана 2 студзеня 2021.

Горад Аргееў (Малдова) правіць

Аргееў — горад сярэдняй велічыні (насельніцтва — прыкладна 36 000 чалавек) у цэнтры Малдовы. Для праекта "Крэатыўныя гарады і рэгіёны" мае цікавасць як гістарычна-турыстычны центр. У межах горада знаходзіцца праваслаўная царква Св. Дімітрыя (1631—1636 г.г.) — адна з найстарэйшых ў Малдове ( яна намалявана на купюры у 5 малдаўскіх лееў. Побач з Аргеевам размешчаны манастыр Куркі, які ўключаны ў спіс архітэктурных помнікаў ЮНЕСКА. [5] Архівавана 2 студзеня 2021.

Горад Косаў (Украіна) правіць

Гэты ўкраінскі горад з'яўляецца раённым цэнтрам Івана-Франкоўскай вобласці, раней прадстаўляў сабой курорт. Зараз яго можна назваць рамесным цэнтрам: праект "Крэатыўныя гарады і рэгіёны" адзначыў наяўнасць вялікай колькасці мастароў гуцульскай традыцыі, падтрымку раместваў у Косаўскім інстытуце прыкладнога і дэкаратыўнага мастацтва, а таксама даследчую працу Музея мастацтва і побыту Гуцульшчыны.[6] Архівавана 2 студзеня 2021.

Спасылкі правіць