Іосіф Дзмітрыевіч Чарнышэнка

Іосіф Дзмітрыевіч Чарнышэнка (26 верасня 1924, с. Кавалёўка, Грабёнкаўскі раён, Палтаўская вобласць, Украіна — 28 лютага 1995) — педагог, спецыяліст у галіне тэорыі і практыкі працоўнага выхавання школьнікаў. Доктар педагагічных навук (1978), прафесар (1978). Удзельнік Вялікай Айчыннай вайны.

Іосіф Дзмітрыевіч Чарнышэнка
Дата нараджэння	26 верасня 1924(1924-09-26)
Месца нараджэння	Грэбінкіўскі раён, Палтаўская вобласць
Дата смерці	28 лютага 1995(1995-02-28) (70 гадоў)
Род дзейнасці	педагог
Месца працы	Віцебскі дзяржаўны ўніверсітэт імя П. М. Машэрава
Навуковая ступень	доктар педагагічных навук (1978)
Навуковае званне	прафесар (1978)
Альма-матар	Віцебскі дзяржаўны педагагічны інстытут (1950)
Узнагароды	Выдатнік народнай асветы БССР[d] (1978)

Біяграфія

Скончыў Благавешчанскае педагагічнае вучылішча (1942), Віцебскі дзяржаўны педагагічны інстытут імя С. М. Кірава (філалагічнае аддзяленне, 1950; гістарычнае аддзяленне, 1953), Навукова-даследчы інстытут тэорыі і гісторыі педагогікі, г. Масква (аспірантура, 1965).

Працаваў у Суражскай СШ, Віцебская вобласць (з 1946, настаўнік чарчэння і малявання); СШ № 6 і № 18 г. Віцебска (з 1949, настаўнік чарчэння, малявання і гісторыі); Школе рабочай моладзі № 5 г. Віцебска (1953—1955, дырэктар); СШ № 15 г. Віцебска (1955—1966, дырэктар); Віцебскім дзяржаўным універсітэце імя П. М. Машэрава (1966—1995; кафедра педагогікі, у 1969—1982 — загадчык кафедры, з 1978 — прафесар), адначасова з 1982 года — загадчык лабараторыі Навукова-даследчага інстытута працоўнага навучання і прафесійнай арыентацыі АПН СССР.

Навуковыя інтарэсы: удасканаленне працоўнага выхавання навучэнцаў агульнаадукацыйных школ як у вучэбнай, так і пазакласнай рабоце.

Узнагароды

Званне «Заслужаны работнік вышэйшай школы Беларускай ССР» (1984), Ганаровая грамата Вярхоўнага Савета БССР, знакі «Выдатнік народнай асветы» СССР (1960) і БССР (1978), ордэн Айчыннай вайны, медалі «За перамогу над Японіяй» і інш.

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 241. — 10 000 экз. — ISBN 985-11-0035-8. — ISBN 985-11-0279-2 (т. 17).
• Регионы Беларуси : энциклопедия : в 7 т. — Минск, 2011. — Т. 2, кн. 2. — С. 590.
• Республика Беларусь : энциклопедия : [в 7 т.]. — Минск, 2008. — Т. 7. — С. 531.