Іосіф Саламонавіч Фрыдман

Іосіф Саламонавіч Фрыдман (25 студзеня 1912 — 19 лютага 1980) — беларускі інжынер-будаўнік.

Іосіф Саламонавіч Фрыдман
Дата нараджэння	25 студзеня 1912(1912-01-25)
Месца нараджэння	Палтава, Палтаўская губерня, Расійская імперыя
Дата смерці	19 лютага 1980(1980-02-19) (68 гадоў)
Месца смерці	Мінск, БССР, СССР
Грамадзянства	БССР Украіна
Род дзейнасці	інжынер у цывільным будаўніцтве, архітэктар
Месца працы	Белпрампраект Беларускі дзяржаўны тэхналагічны ўніверсітэт БНТУ
Альма-матар	БПІ (1939)
Партыя	КПСС
Член у	Саюз архітэктараў СССР Беларускі саюз архітэктараў
Прэміі
Узнагароды	Грамата Прэзідыума Вярхоўнага Савета БССР (1954)

Біяграфія

Скончыў Беларускі політэхнічны інстытут у 1939 годзе. Удзельнік Вялікай Айчыннай вайны. Член КПСС з 1943 года. З 1954 па 1974 г. працаваў галоўным інжынерам Белпрампраекта, выкладаў у Беларускім тэхналагічным і Беларускім політэхнічным інстытутах.

Член Саюза архітэктараў СССР з 1960 года.

Творчасць

Удзельнічаў у стварэнні праектаў Віцебскага прамвузла, заводаў гадзіннікавага, аўтаматычных ліній, лічыльных машын, шасцерняў, халадзільнікаў, паліграфкамбіната, стадыёна «Дынама» ў Мінску, дывановага камбіната і электралямпавага завода ў Брэсце (1954—1974).

Узнагароды

Узнагароджаны ордэнамі Чырвонай Зоркі (1949), «Знак Пашаны» (1966), медалямі. Граматай Прэзідыума Вярхоўнага Савета БССР (1954). Прэмія Савета Міністраў СССР (1971) за праект Усходняга прамысловага раёна Віцебска.

Літаратура

• Фридман Иосиф Соломонович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)