Абэрак

Абэ́рак (польск.: oberek ад obrót — абарот, вярчэнне) — польскі народны парны танец. Музычны памер трохдольны, тэмп хуткі. Аснова харэа-тэхнічны элемент — вярчэнне. Выконваецца ў суправаджэнні інструментальнай музыкі і жартоўных прыпевак. Зафіксаваны ў другой палове 19 ст. О. Кольбергам і М. Федароўскім як «шляхетны» танец, пашыраны ў вясковым побыце заходняй Беларусі. Найгрышы да абэрака захоўваюцца ў рэпертуары народных музыкантаў амаль на ўсёй тэрыторыі Беларусі.

Абэрак у выкананні ансамбля народнага танца «Mali Gorzowiacy»

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).

Спасылкі

• На Вікісховішчы ёсць медыяфайлы па тэме Абэрак