Альгімантас Балтакіс
Альгімантас Балта́кіс (літ.: Algimantas Baltakis; 15 лютага 1930, Лелюнай, Уцянскі павет, Літва — 13 сакавіка 2022, Вільнюс, Літва[4]) — літоўскі паэт. Народны паэт Літвы (1986).
Альгімантас Балтакіс | |
---|---|
Algimantas Baltakis | |
Асабістыя звесткі | |
Дата нараджэння | 15 лютага 1930[1][2] |
Месца нараджэння | |
Дата смерці | 13 сакавіка 2022[1] (92 гады) |
Месца смерці | |
Грамадзянства | |
Альма-матар | |
Прафесійная дзейнасць | |
Род дзейнасці | |
Дэбют | «Калі дожджык імжыць» (1955) |
Прэміі | |
Узнагароды |
Біяграфія правіць
Нарадзіўся ў мястэчку Лялюнай. У 1949 годзе скончыў гімназію ў Каўнасе. У 1954 годзе — Вільнюскі дзяржаўны ўніверсітэт па спецыяльнасці «літоўская мова і літаратура».
У 1952—1956 гадах працаваў літаратурным супрацоўнікам, затым кіраўніком аддзела, потым адказным сакратаром у часопісе «Тарыбіне мацярыс» („Tarybinė moteris“; «Савецкая жанчына»). Затым у 1956—1990 гадах (з перапынкамі) у рэдакцыі літаратурнага часопіса «Пяргале» („Pergalė“; «Перамога»), у 1964—1967 і ў 1985—1989 гадах — галоўны рэдактар часопіса. З 1955 года член Саюза пісьменнікаў Літвы.
Жыў у Вільнюсе.
Творчасць правіць
Аўтар зборнікаў вершаў «Калі дожджык імжыць» (1955), «Чортаў мост» (1957), «Падземныя рэкі» (1965, Дзяржаўная прэмія Літвы 1966), «Хлеб і воблакі» (1973), «Дэдыкацыі» (1975), «Элегіі Страздзішкіса» (1979), «Наш вечар» (1986), «Уздых» (1993). Яго творы вызначаюцца эмацыянальнай адкрытасцю, у іх светаўспрыманне маладога пакалення пасляваеннай Літвы, рэчава-канкрэтная паэтыка гарадскіх будняў.
На літоўскую мову пераклаў кнігу паэзіі Р. Барадуліна «Бусел на даху» (1981), паасобныя вершы М. Танка.
Пераклады правіць
На беларускую мову творы Балтакіса перакладаў Р. Барадулін.
Зноскі
- ↑ а б в г д Visuotinė lietuvių enciklopedija
- ↑ Балтакис Альгимантас // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 27 верасня 2015.
- ↑ Балтакис Альгимантас // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ↑ Algimantas Baltakis — VLE
Літаратура правіць
- Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).
Спасылкі правіць
- На Вікісховішчы пакуль няма медыяфайлаў па тэме, але Вы можаце загрузіць іх
- Baltakis, Algimantas(недаступная спасылка) (літ.)