Слонімская мячэць (1994)
Слонімская мячэць — мячэць у горадзе Слоніме. Размешчана па вуліцы Агінскага, 10.
| Мячэць | |
| Слонімская мячэць | |
|---|---|
.jpg) Слонімская мячэць | |
| 53°05′59″ пн. ш. 25°19′20″ у. д.HGЯO | |
| Краіна |
 Беларусь |
| Горад | Слонім |
| Канфесія | Іслам |
| Тып будынка | Мячэць |
| Будаўніцтва | 1994 |
 |
|
 Медыяфайлы на Вікісховішчы | |
Гісторыя правіць
.jpg)
.jpg)
Да 1944 года ў горадзе была мячэць, якая была спалена падчас Другой сусветнай вайны немцамі перад адступленнем. Мячэць стаяла на былой Татарскай вуліцы, зараз гэта вуліца Кірава.
У 1994 годзе была адкрыта новая мячэць у былой гаспадарчай пабудове XIX стагоддзя, якая ў савецкі час выкарыстоўвалася пад фізкультурна-аздараўленчы цэнтр[1]. Будынак быў перададзены па загадзе старшыні беларускага парламента Станіслава Шушкевіча, пасля ліста Сулеймана Байрашэўскага, мясцовага імама[2].
Архітэктура правіць
Аднапавярховая пабудова накрыта высокім 3-схільным дахам. У канструкцыйным вырашэнні было выкарыстана спалучэнне цэглы і бутавага каменя. Сёння будынак пакрыты тынкоўкай. Унутраная прастора раздзелена перагародкамі на некалькі памяшканняў, аб’яднаных вакол прасторнай залы з шэрагам слупоў-апор.
Будынак з'яўляецца прыкладам архітэктуры гаспадарчых збудаванняў Беларусі другой паловы XIX — пачатку XX стагоддзя. Унесены ў Дзяржаўны спіс гісторыка-культурных каштоўнасцей (пратакол Навукова-метадычнай Рады № 77 ад 13 лістапада 2002 года), як помнік 3 катэгорыі каштоўнасці[3].
Імамы правіць
- Сулейман Байрашэўскі.
Зноскі
- ↑ Слонімская мячэць (1994) на сайце Глобус Беларусі (руск.)
- ↑ Слонімец, які рэстаўрыруе Каран
- ↑ Мячэць
Літаратура правіць
- Караткевіч, В. Б. Гаспадарчая пабудова / В. Б. Караткевіч, А. М. Кулагін // Помнікі Слоніма / В. Б. Караткевіч, А. М. Кулагін. — Мінск, 1983. — С. 32-33.
- Дзяржаўны спіс гісторыка-культурных каштоўнасцей Рэспублікі Беларусь: [Даведнік] / склад. В. Я. Абламскі, І. М. Чарняўскі, Ю. А. Барысюк. — Мн.: БЕЛТА, 2009. — 684 с. — 1 000 экз. — ISBN 978-985-6828-35-8.
- Чыгрын, С. Мячэць на Татарскай вуліцы / Сяргей Чыгрын // Газета Слоніская. — 2011. — 16 сак. — С. 3.
Спасылкі правіць
На Вікісховішчы ёсць медыяфайлы па тэме Слонімская мячэць (1994)- Слонімская мячэць (1994) на сайце Глобус Беларусі (руск.)
