Спіруліна

Спірулі́на (Spirulina) — род ніткаватых сіне-зялёных водарасцей (цыянабактэрый) сямейства Pseudanabaenaceae.

Спіруліна
Навуковая класіфікацыя
прамежныя рангі Дамен:  Бактэрыі Тып:  Цыанабактэрыі Клас:  Chroobacteria Атрад:  Oscillatoriales Сямейства:  Pseudanabaenaceae Падсямейства:  Spirulinoideae Род:  Спіруліна
Міжнародная навуковая назва
Spirulina Turpin Ex Gomont, 1893
Сістэматыка на Віківідах Выявы на Вікісховішчы ITIS   1053 NCBI   1154 EOL   11429

Апісанне

Ніткі адзіночныя, часам скручаныя ў форме спіралі, сіне-зялёныя, радзей жоўта-зялёныя, здольныя да вярчальнага і паступальнага руху. Размнажаюцца мнагаклетачнымі фрагментамі нітак (гармагоніямі).

Пашырэнне

Каля 30 відаў. Трапляюцца ў вадаёмах, тэрмальных крыніцах, глеі, глебе. На Беларусі сустракаюцца спіруліна вялікая, Гомана, Джэнера (Spirulina jenneri), прасторнейшая і інш.

Значэнне і выкарыстанне

Асобныя віды ядомыя. Культывуюцца для вырабу лекаў, біялагічных дабавак, атрымання харчовага бялку.

Літаратура

• Міхеева Т. Спіруліна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15).