Адміністрацыйны падзел Грэнландыі

Кеката

Сермерсок

Касуітсуп

Куялек

Паўночна-Усходні
Грэнландскі
нацыянальны парк

Авіябаза Туле

Сісіміўт

НУК

Ілулісат

Какарток

мора
Бафіна

мора
Лабрадор

пр.Дэвіса

мора
Ірмінгера

Грэнландскае
мора

мора Вандэля

мора Лінкальна

пр.Нэрса

Адміністрацыйна Грэнландыя падзелена на 4 камуны (дацк.: Kommuner, грэнл.: Kommunia); таксама муніцыпалітэты — англ.: municipality). Новы адміністрацыйны падзел краіны набыў моц з 1 студзеня 2009 года. Новыя камуны складзены з ранейшых 18 камун, па-ранейшаму неўключанымі застаюцца авіябаза Туле (Пітуфік) і Паўночна-Усходні Грэнландскі нацыянальны парк.

Самая маленькая і паўднёвая камуна Куялек уключае былыя камуны Нанорталік, Какарток і Нарсак. Самая паўночная камуна Касуітсуп уключае былыя камуны Канак, Уманак, Упернавік, Кекертарсуак, Ілулісат, Касіянгуіт і Асіят. Камуна Кеката ўключае былыя камуны Манітсок, Сісіміўт і Кангатсіяк. Сталічная камуна Сермерсок уключае ранейшыя камуны Нук, Паміўт, Івітут і ўсходнія Амасалік і Ітакартарміт.

Цэнтры былых камун лічацца гарадамі (дацк.: by), усе астатнія населеныя пункты — пасёлкамі (дацк.: bygd).

На карце	Назва (бел.)	Назва (грэнл.)	Пераклад	Насельніцтва,^[1] чал. (2012)	Плошча, км²	Шчыльнасць, чал./км²
	Касуітсуп	Qaasuitsup Kommunia		17 687	660 000	0,027
	Кеката	Qeqqata Kommunia	Сярэдняя камуна	9638	115 500	0,083
	Куялек	Kommune Kujalleq	Паўднёвая камуна	7417	32 000	0,232
	Сермерсок	Kommuneqarfik Sermersooq	Камуна, дзе шмат лёду	21 813	635 600	0,034
Неўключаныя тэрыторыі (па-за камунамі)
	Паўночна-Усходні Грэнландскі нацыянальны парк			0	972 000
	Авіябаза Туле			194
	Усяго			56 749	2 415 100	0,023

Заўвага: Пасля новага адміністрацыйнага падзелу краіны 1 студзеня 2009 года адзнакі плошчы занадта вялікія, таму прынятая агульная плошча Грэнландыі складае 2 166 086 км².

Падзел да 2009 года

Адміністрацыйны падзел Грэнландыі да 2008 года
Пераразмеркаванне і аб'яднанне камун у 2009 годзе
Новыя камуны з 2009 года

Да 2009 года Грэнландыя складалася з трох тэрыторый (рэгіёнаў): Кіта (Заходняя Грэнландыя), Туну (Усходняя Грэнландыя) і Авана (Паўночная Грэнландыя), межы якіх праходзілі практычна па прамой па лядовым шчыце, мяжа паміж Усходняй і Заходняй Грэнландыяй пралягала па 44° заходняй даўгаты. Кожная тэрыторыя мела дадатковы падзел на камуны (муніцыпалітэты): Кіта складалася з 15-ці, Туну з дзвюх, Авана — адной. Некаторыя землі не ўваходзілі ў склад камун і тэрыторый — Паўночна-Усходні Грэнландскі нацыянальны парк, размешчаны як ва Усходняй, так і ў Паўночнай Грэнландыі, а таксама авіябаза Туле, размешчаная побач з Канакам.