Алеш Хрдлічка

Алеш Хрдлічка (таксама Грдлічка, чэш. Aleš Hrdlička: 29 сакавіка 1869, Гумполец — 5 верасня 1943, Вашынгтон) — чэшскі антраполаг, з 1881 года жыў і працаваў у ЗША. Аўтар гіпотэзы пра засяленне Паўночнай Амерыкі праз Берынгаў праліў. Аўтар тэорыі аб тым, што эвалюцыя чалавецтва прайшла праз стадыю неандэртальцаў.

Алеш Хрдлічка
Род дзейнасці	антраполаг, урач, патолагаанатам
Дата нараджэння	30 сакавіка 1869(1869-03-30)
Месца нараджэння	Гумпалец[d], раён Пельгржымаў[d], Чэхія
Дата смерці	5 верасня 1943(1943-09-05)[…] (74 гады)
Месца смерці	Вашынгтон, акруга Калумбія, ЗША
Грамадзянства	Каралеўства Багемія
Месца працы	Смітсанаўскі інстытут
Член у	Амерыканская акадэмія мастацтваў і навук Нацыянальная акадэмія навук ЗША
Узнагароды і прэміі	ганаровы доктар Масарыкава ўніверсітэта[d] (1929)
Медыяфайлы на Вікісховішчы

Член Нацыянальнай акадэміі навук ЗША (1921).

Біяграфія

У 1881 годзе Алеш Хрдлічка ва ўзросце 13 гадоў разам з сям’ёй эмігрыраваў у ЗША. Працаваў на тытунёвай фабрыцы. Пасля перанесенай хваробы захапіўся медыцынай. Паступіў і скончыў медыцынскі каледж у Нью-Ёрку. Адкрыў прыватную практыку ў Балтыморы. Вывучаў паталогію і псіхічныя анамаліі, зацікавіўся метадамі і прыёмамі антрапаметрыі, для вывучэння якіх у 1896 годзе пераехаў у Парыж. У 1903 годзе атрымаў запрашэнне ў аддзел фізічнай антрапалогіі Нацыянальнага музея натуральнай гісторыі Вашынгтона. З 1910 па 1942 год узначальваў гэты аддзел. У 1918 годзе заснаваў «Амерыканскі часопіс фізічнай антрапалогіі». У 1929 годзе стаў заснавальнікам і першым прэзідэнтам Амерыканскай асацыяцыі фізічнай антрапалогіі.

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).