Аляксандр Мікалаевіч Буйкевіч

Аляксандр Буйкевіч
Аляксандр Буйкевіч
	; Аляксандр Буйкевіч на чэмпіянаце свету па фехтаванні 2015
Агульная інфармацыя
Пол	мужчынскі пол
Поўнае імя	Аляксандр Мікалаевіч Буйкевіч
Спецыялізацыя	Фехтаванне на шаблях
Нарадзіўся	19 лістапада 1984 (38 гадоў); Брэст, Брэсцкая вобласць, БССР, СССР;
Грамадзянства	Беларусь
Рабочы бок	левая рука
Трэнеры	Аляксандр Сурымта, Дзмітрый Лапкес
Рост	191 см
Вага	78 кг
	Фехтаванне (мужчыны)
	Чэмпіянаты свету
	Чэмпіянаты Еўропы
Дзяржаўныя ўзнагароды
	Медыяфайлы на Вікісховішчы

Аляксандр Мікалаевіч Буйкевіч (нар. 19 лістапада 1984 года, Брэст, Брэсцкая вобласць, Беларуская ССР, СССР) — беларускі фехтавальшчык на шпагах. Чэмпіён Еўропы, прызёр чэмпіянатаў свету і Еўропы, заслужаны майстар спорту Рэспублікі Беларусь.

Біяграфія Правіць

Аляксандр Буйкевіч нарадзіўся 19 лістапада 1984 года ў Брэсце, у 1998 годзе пачаткаў займацца фехтаваннем. У 2002 годзе Аляксандр дэбютаваў на міжнародных спаборніцтвах.

Першых сур'ёзных вынікаў беларускі шабліст дамогся на чэмпіянаце Еўропы ў 2007 годзе, калі ён выйграў сярэбраны медаль у камандным першынстве ^[1]. У наступным годзе Аляксандр стаў чэмпіёнам Еўропы ў асабістым турніры ^[2], а ў складзе каманды заваяваў бронзу^[3]. Пасля ўдалых выступленняў на чэмпіянатах Еўропы фехтавальшчык увайшоў у склад беларускай каманды на Алімпійскіх гульнях 2008 ў Пекіне. На Алімпіядзе Аляксандр выступіў добра: у асабістым турніры ён дабраўся да чвэрцьфіналу, дзе прайграў румыну Міхаю Каваліу ўсяго два ачкі за выхад у паўфінал ^[4], а ў камандных спаборніцтвах беларуская каманда прайграла ў чвэрцьфінале італьянцам ^[5].

Праз тры гады пасля Алімпіяды ў Кітаі Аляксандр змог выйграць адзін з галоўных медалёў у сваёй кар'еры. На перадалімпійскім чэмпіянаце свету ён стаў віцэ-чэмпіёнам у камандным шаблі ^[6]. А ў 2012 годзе за месяц да Алімпійскіх гульняў беларускі фехтавальшчык выйграў «бронзу» еўрапейскага чэмпіянату ^[7]. Аляксандр прыняў удзел у Алімпійскіх гульнях 2012 года ў Лондане. Беларус прайграў ужо ў 1/8 фіналу ў асабістым турніры ^[8], а ў камандным першынстве ён пацярпеў крыўднае паражэнне ў чвэрцьфінале, калі каманда Беларусі саступіла італьянскай зборнай толькі адно ачко ў барацьбе за выхад у 1/2 фіналу ^[9].

Наступны алімпійскі цыкл беларускі фехтавальшчык правёў не лепшым чынам: на важных міжнародных стартах ён не падымаўся на пастамент, спыняўся ў кроку ад барацьбы за медалі. Але ўсё ж Аляксандр адабраўся ў 2016 годзе на сваю трэцюю Алімпіяду ў Рыа-дэ-Жанэйра ў асабістым першынстве шаблістаў, стаўшы адзіным прадстаўніком сваёй краіны на Гульнях у Рыа ў спаборніцтве па фехтаванні^[10].