Алё, алё! (тэлесерыял)
Алё, алё! (англ.: 'Allo 'Allo!) — брытанскі гумарыстычны серыял, які выходзіў на экраны ў сябе на радзіме на канале BBC з 30 снежня 1982 года па 14 верасня 1992 года. Серыял быў станоўча прыняты крытыкамі і набыў мноства прыхільнікаў па ўсім свеце. Серыял стаў найбольш прадаванай брытанскай камедыяй па ўсім свеце ў свой час (быў прададзены ў 56 краін). Да канца сваёй вытворчасці ў 1992 г. ён быў набыты нават каналам у Германіі. У 1986 г. была прадстаўлена сцэнічная версія ў тэатры "London Palladium" з акцёрамі тэлесерыяла.
| Алё, алё! | |
|---|---|
| Жанр | сіткам |
| Аўтар(ы) | Джэрэмі Ллоід, Дэвід Крофт |
| Рэжысёр(ы) | |
| У галоўных ролях |
|
| Краіна вытворчасці | Вялікабрытанія |
| Мова | англійская |
| Колькасць сезонаў | 9 |
| Колькасць выпускаў | 85 |
| Першы выпуск | 30 снежня 1982 |
| Вытворчасць | |
| Працягласць | 25–45 хвілін (эпізод) |
| Тэлеканал(ы) | BBC One[1] |
| Спасылкі | |
| bbc.co.uk/comedy/alloall… | |
| IMDb ID 0086659 | |
Сюжэт правіць
Асноўная сюжэтная лінія сканцэнтраваная на жыцці Рэнэ Артуа, уладальніка невялікага кафэ ў Францыі, падчас Другой сусветнай вайны. Ён спрабуе падтрымліваць нармальнае жыццё, але аказваецца ўцягнуты ў справы французскага супраціву, нямецкіх афіцэраў і гестапа. Серыял парадыраваў шматлікія ваенныя фільмы і тэлесерыялы, якія драматызавалі барацьбу Руху Супраціўлення.
Рэнэ Артуа — гаспадар кафэ ў камуне Нуўён на поўначы Францыі. Нямецкі палкоўнік Фон Штром — ваенны камендант горада, знаходзіцца ў добрых адносінах з Рэнэ і выкарыстоўвае яго кафэ для ўтойвання выкрадзенай карціны «Мадонна з вялікім бюстам», якую збіраецца прадаць пасля вайны. За карцінай таксама палюе начальнік мясцовага аддзялення гестапа гер Ота Фліка. Кафэ выкарыстоўваецца французскім супрацівам для розных мэтаў (утойвання брытанскіх лётчыкаў, сувязі з Вялікабрытаніяй і г.д.). У гэты ж час Рэнэ спрабуе хаваць свае любоўныя сувязі з афіцыянткамі кафэ ад жонкі.
Асаблівасці правіць
Розныя мовы ў серыяле перадаюцца рознымі акцэнтамі англійскай мовы. Французы гавораць на англійскай мове з моцным французскім акцэнтам, англічане гавораць з падкрэслена класічнай англійскай вымовай. Ламаная французская англічан перадаецца як мноства памылак у мове, напрыклад, афіцэр Крабтры стандартна вітае ўсіх пажаданнем «Good Moaning» («Добрага аплаквання!») замест «Good morning» («Добрай раніцы!») — прычым незалежна ад часу дня. У серыяле паказана мноства нацыянальных стэрэатыпаў. У пачатку кожнага эпізоду Рэнэ звяртаецца да гледача, распавядаючы, што адбывалася раней. Гэты ход не толькі дазваляе нагадаць аб папярэдніх серыях, але і паказвае, што Рэнэ з'яўляецца адзіным персанажам, які ўсведамляе недарэчнасць таго, што адбываецца.
Персанажы правіць
Французы правіць
- Рэнэ Артуа (Гордан Кей) — галоўны персанаж тэлесерыяла. Мясцовы гаспадар кафэ, які імкнецца захоўваць нейтралітэт паміж немцамі і французамі.
- Эдыт Артуа, пры нараджэнні Ла-Фан (Кармэн Сільвера) — жонка Рэнэ, пастаянна спявае ў кафэ, не маючы ні голасу, ні слыху — чым прыносіць установе толькі страты. Пастаянна моцна раздражняе мужа.
- Мадам Фані Ла-Фан (Роўз Хілл) — маці Эдыт і цешча Рэнэ. Пад яе ложкам у начным гаршку хаваецца сакрэтны перадатчык.
- Мімі Лабонк (Сью Ходж) — афіцыянтка ў кафэ, палюбоўніца Рэнэ, «прымае» нямецкіх афіцэраў у сваім пакоі.
- Івет Карт-Бланш (Вікі Мішэль) — афіцыянтка ў кафэ, палюбоўніца Рэнэ, «прымае» нямецкіх афіцэраў у сваім пакоі.
- Марыя Рэкам'е (Франчэска Гоншоў) — афіцыянтка ў кафэ, палюбоўніца Рэнэ, «прымае» нямецкіх афіцэраў у сваім пакоі.
- Мішэль «з Супраціву» Дзюбуа (Кірстэн Кук) — прадстаўнік галістскага крыла французскага Супраціву. Пастаянна канфліктуе з камуністычным падполлем. Вядомая яе фраза: "Слухайце ўважліва, я скажу гэта толькі адзін раз!", пасля якой яе часта перапытваюць.
- Месье Рожэр ЛеКлер (Джэк Хеіг) — пажылы піяніст, былы крымінальнік, былы палюбоўнік цешчы Рэнэ. Ён таксама падрабляе дакументы. Калі ён няўмела маскіруецца пад каго-небудзь, ён адводзіць Рэнэ ў бок і паведамляе: "Pss! It is I, LeClerc!" ("Псс! Гэта я, ЛеКлер!"), хоць у гэтым няма неабходнасці.
- Месье Альфонс (Кенет Конар) — уладальнік пахавальнай канторы, прыхільнік Эдыт і змагар Супраціву.
Немцы правіць
- Палкоўнік фон Штром (Рычард Марнер) — камендант горада, канфидэнт Рэнэ ў справе захавання «Мадонны з вялікім бюстам» на «пасляваенную зіму».
- Капітан Ганс Герынг (Сэм Келлі) — намеснік фон Штрома.
- Гер Ота Флік (Рычард Гібсан) — начальнік мясцовага гестапа.
- Хельга Гірхарт (Кім Хартман) — інфарматар гера Фліка і сакратар палкоўніка фон Штрома.
- Лейтэнант Хуберт Грубер (Гай Сінер) — мяккасардэчны нямецкі лейтэнант, які закаханы ў Рэнэ.
Англічане правіць
- Афіцэр Крабтры (Артур Бострам) — брытанскі шпіён пад прыкрыццём. Прыкідаецца французскім паліцэйскім. Шчыра ўпэўнены, што ўмее добра гаварыць па-французску.
- Брытанскія лётчыкі — двое членаў экіпажа збітага брытанскага бамбардавальніка, якіх Рэнэ хавае ў сваім кафэ.
Зноскі
Літаратура правіць
- Richard Webber. 30 Years of 'Allo 'allo: The Inside Story of the Hit Tv Show. — Carlton Books, 2012. — ISBN 1780972075.
- René Fairfax. Allo Allo: The Complete War Diaries of Rene Artois. — BBC Books, 1991. — ISBN 0563363274.