Алісаўка (Гардзееўскі раён)

Алісаўка (руск.: Али́совка) — вёска ў Гардзееўскім раёне Бранскай вобласці Расіі. Уваходзіць у склад Унашаўскага сельскага паселішча.

Вёска Алісаўка руск.: Али́совка Краіна Расія Суб’ект федэрацыі Бранская вобласць Муніцыпальны раён Гардзееўскі раён Каардынаты 52°58′20″ пн. ш. 31°44′40″ у. д. Паштовыя індэксы 243650 Код АКАТП 15211872002 Алісаўка на карце Расіі ±

Гісторыя

Заснавана П. Карэцкім у сярэдзіне XVIII стагоддзя як слабада; пазней ва ўладанні Кулябка-Карэцкіх і іх спадкаемцаў (казацкага насельніцтва не мела).

Да Лютаўскай рэвалюцыі вёска ў складзе Суражскага павета Чарнігаўскай губерні. 20 лістапада 1917 года вёска абвяшчалася часткай Севершчыны Украінскай Народнай Рэспублікі. 25 снежня 1917 года вёска ўключана ў склад Украінскай рэспублікі Саветаў.

25 сакавіка 1918 года згодна з Трэцяй Устаўной граматай вёска абвяшчалася часткай Беларускай Народнай Рэспублікі. 1 студзеня 1919 года згодна з пастановай I з’езда КП(б) Беларусі яна ўвайшла ў склад Беларускай ССР, аднак 16 студзеня Масква адабрала вёску разам з іншымі этнічна беларускімі тэрыторыямі ў склад Гомельскай губерні РСФСР, а пасля ліквідацыі губерні ў 1926 годзе ў Бранскую губерню.

З 1929 года ў складзе Клінцоўскай акругі, а з 1932 года ў Заходняй вобласці, у 1937 годзе перададзена ў склад Арлоўскай вобласці. У 1944 годзе ўвайшла ў склад Бранскай вобласці.

Пасля аварыі на ЧАЭС вёска аднесена да зоны радыеактыўнага забруджвання і мае статус зоны пражывання з правам на адсяленне.