Аліўе Дэбрэ

Аліўе Дэбрэ (фр.: Olivier Debré, 14 красавіка 1920, Парыж — 2 чэрвеня 1999, там жа) — французскі мастак-абстракцыяніст.

Аліўе Дэбрэ
фр.: Olivier Debré
Род дзейнасці	мастак, выкладчык універсітэта, пісьменнік, змагар Французскага супраціву
Дата нараджэння	14 красавіка 1920(1920-04-14)[…]
Месца нараджэння	Парыж, дэпартамент Сена, Францыя
Дата смерці	1 чэрвеня 1999(1999-06-01)[…] (79 гадоў)
Месца смерці	Парыж, рэгіён Іль-дэ-Франс, Метраполія Францыі, Францыя
Грамадзянства	Францыя
Бацька	Robert Debré[d]
Маці	Jeanne Debat-Panson[d]
Дзеці	Patrice Debré[d]
Месца працы	Нацыянальная вышэйшая школа прыгожых мастацтваў
Альма-матар	Нацыянальная вышэйшая школа прыгожых мастацтваў
Медыяфайлы на Вікісховішчы

Біяграфія

Вывучаў гісторыю і архітэктуру, у 1939 годзе стаў вучнем Ле Карбюзье. У 1943 годзе пад уплывам Пікаса пачаў займацца жывапісам. Пасля 1945 года зблізіўся з прадстаўнікамі нефігуратыўнага мастацтва Сержам Паляковым, Нікала дэ Сталем, П’ерам Сулажам. Глыбока ўспрыняў досвед амерыканскага абстрактнага экспрэсіянізму (Марк Ротка).

У 1967 годзе з буйнафарматным арнаментальным палатном, напісаным для павільёна Францыі, быў прадстаўлены на Сусветнай выставе ў Манрэалі; у 1970 годзе ўдзельнічаў у Сусветнай выставе ў Токіа. У 1980—1985 выкладаў у парыжскай Вышэйшай школе прыгожых мастацтваў.

Займаўся вітражамі. Ілюстраваў кнігі такіх аўтараў, як Франсіс Понж, Жульен Грак, Бернар Ноэль. Вырабіў тэатральныя заслоны для Камеды Франсэз (1987), Ганконскага (1989) і Шанхайскага (1998) оперных тэатраў, тэатральная заслона і афармленне бакавых галерэй для парыжскага тэатра Дэз-Абес (адкрыўся ў 1996 годзе).

У 1997 годзе ў садружнасці з харэографам Каралін Карлсан стварыў балет «Знакі» для Парыжскай Оперы (адноўлены ў 2000 і 2003 гадах у Опера Бастый). У 1998 годзе быў узнагароджаны прызам «Бенуа танца» за гэтую працу.

У 1995 годзе ў парыжскай «Зале для гульні ў мяч» адбылася вялікая рэтраспектыўная выстава мастака.