Анатоль Георгіевіч Грышук
Анатоль Георгіевіч Грышук (нар. 6 лістапада 1955, в. Галынка Бераставіцкага раёна Гродзенскай вобласці) — заслужаны работнік сельскай гаспадаркі Рэспублікі Беларусь, член Савета Рэспублікі Нацыянальнага сходу Рэспублікі Беларусь 6-га склікання.
| Анатоль Георгіевіч Грышук | |
|---|---|
| Нараджэнне |
6 лістапада 1955 (69 гадоў) |
| Адукацыя | |
| Месца працы | |
| Узнагароды |
   |
Біяграфія
правіцьСкончыў Беларускі дзяржаўны інстытут народнай гаспадаркі імя В. У. Куйбышава, бухгалтарскі ўлік.
Працаваў старшым бухгалтарам, эканамістам мясатлушчавага цэха, старшым эканамістам-фінансістам бухгалтэрыі, намеснікам галоўнага бухгалтара, галоўным бухгалтарам Гродзенскага мясакамбіната, намеснікам галоўнага бухгалтара, намеснікам генеральнага дырэктара па мясной галіне Гродзенскага абласнога аб’яднання мясамалочнай прамысловасці, дырэктарам Гродзенскага мясакамбіната, дырэктарам адкрытага акцыянернага таварыства «Гродзенскі мясакамбінат».
Кіраваў «Гродзенскім мясакамбінатам» 30 гадоў — з 1989 да сыходу з пасады ў сакавіку 2019 года. У час свайго кіраўніцтва развіваў у тым ліку пазапрофільную дзейнасць праўдпрыемства: напрыклад, стварыў аргатурыстычны комплекс «Гарадзенскі маёнтак «Каробчыцы», фазанарый у Парэччы, заснаваў штогадовы пленэр разбяроў[1].
Выбіраўся членам Савета Рэспублікі Нацыянальнага сходу Рэспублікі Беларусь 6-га склікання.
Хобі і грамадская дзейнасць
правіцьКалекцыянуе зброю і прадметы, звязаныя з паляванне. У 2022 годзе адкрыў у Гродне прыватную галерэю «Grishuk Arsenal», дзе выставіў сваю калекцыю: мячы, шаблі, шпагі, нажы, рэплікі даспехаў часоў ВКЛ і Рэчы Паспалітай, сямейныя рэліквіі, гадзіннікі, медалі і значкі[2]. У тым ліку ў галерэі выстаўленыя медалі гродзенскага алімпійскага чэмпіёна Аляксандра Курловіча, які сябраваў з Грышуком[3].
Па яго ініцыятыве ў гістарычным цэнтры Гродна ў 2023 годзе з'явіўся адзін з самых вялікіх у Беларусі муралаў аўтарства мастака-манументаліста Уладзіміра Качана. На мурале на гістарычную тэматыку выяўленыя гродзенскія замкі, беларуская шляхта, святы Губерт і ягоны алень[4].
Узнагароды
правіцьУзнагароджаны медалём «За працоўныя заслугі», міжнародным ордэнам Усмешкі, юбілейнымі медалямі[5]. У 2014 годзе атрымаў званні «Заслужаны работнік сельскай гаспадаркі Рэспублікі Беларусь» і «Ганаровы грамадзянін горада Гродна»[6].
Зноскі
- ↑ HL. На Гродзенскім мясакамбінаце змяніўся дырэктар - упершыню за 30 гадоў . Hrodna.life (5 сакавіка 2019). Праверана 2 студзеня 2024.
- ↑ Халодная зброя, рыцарскія даспехі і сямейныя рэліквіі. Былы дырэктар мясакамбіната адкрыў у Гродне галерэю-музей . Hrodna.life (19 сакавіка 2022). Праверана 2 студзеня 2024.
- ↑ Анатолий Гришук: «Много оружия – еще не победа! Мой «Арсенал» – музей чести и воинской доблести» (руск.)(недаступная спасылка). planetabelarus.by. Архівавана з першакрыніцы 2 студзеня 2024. Праверана 2 студзеня 2024.
- ↑ У цэнтры Гродна адкрылі новы гіганцкі мурал . Hrodna.life (7 верасня 2023). Праверана 2 студзеня 2024.
- ↑ Грышук Анатолій Георгіевіч Архівавана 18 жніўня 2020.
- ↑ Гришук Анатолий Георгиевич. Почётные граждане г. Гродно. Информационный ресурс ГЦБ им. А. Макаёнка.