Анатоль Мікалаевіч Сцебурака

Анатоль Мікалаевіч Сцебурака (нар. 22 жніўня 1983, в. Амговічы, Слуцкі раён, Мінская вобласць) — беларускі гісторык. Спецыяліст па гісторыі адукацыі другой паловы XVI — першай паловы XVII ст. і французскіх архіўных калекцыях Беларусі. Кандыдат гістарычных навук (2011), дацэнт (2015).

Анатоль Мікалаевіч Сцебурака
Дата нараджэння	22 жніўня 1983(1983-08-22) (41 год)
Месца нараджэння	Амговічы, Амговіцкі сельсавет, Слуцкі раён, Мінская вобласць, БССР, СССР
Грамадзянства	Беларусь
Род дзейнасці	гісторык
Месца працы	Нацыянальная бібліятэка Беларусі Інстытут бізнесу БДУ Рэспубліканскі інстытут вышэйшай школы
Навуковая ступень	кандыдат гістарычных навук
Навуковае званне	дацэнт
Альма-матар	гістарычны факультэт БДУ Рэспубліканскі інстытут вышэйшай школы

Біяграфія

Нарадзіўся 22 жніўня 1983 года ў вёсцы Амговічы Слуцкага раёна. Мае старэйшага брата Усевалада, беларускага паэта і шоумена.

Скончыў у 2005 годзе гістарычны факультэт БДУ. У 2005—2010 гадах працаваў у Нацыянальнай бібліятэцы Беларусі. У 2010 годзе выкладчык Інстытута бізнесу БДУ.

У 2011 годзе скончыў аспірантуру Рэспубліканскага інстытута вышэйшай школы БДУ. У 2011 годзе абараніў кандыдацкую дысертацыю па тэме «Развіццё адукацыі ў Беларусі ў другой палове XVI — першай палове XVII стагоддзяў: этнаканфесійны і сацыяльны аспекты».

З 2011 года дацэнт кафедры гісторыка-культурнай спадчыны Беларусі Рэспубліканскага інстытута вышэйшай школы.

Навуковая дзейнасць

Напрамкі даследаванняў: этнаканфесійны і сацыяльны аспекты адукацыі ў Беларусі ў XVI—XVII ст., Беларусь у часы напалеонаўскіх войнаў, беларуска-французскія кніжныя і культурныя кантакты.

Бібліяграфія

Удзел у калектыўных працах

• Sept ans d’absence, 1807—1814: témoignage d’un soldat de Napoléon (Joseph Quantin). Paris, 2020.
• Лісты да Жазефіны: ваенныя шляхі французскага афіцэра: 1805—1812. Мінск, 2018.
• Françoise Albertine Mas, Charles-P. Fitte de Soucy (1776—1813): Lettres d’un officier Napoléonien… Paris, 2015.
• Гісторыя Беларусі XIX ст. у мемуарах // ARCHE. 2014. № 1-2.
• Французские автографы в фонде Национальной библиотеки Беларуси [Электронный ресурс]. Минск, 2011.

Літаратура

• СЦЕБУРАКА Анатоль Мікалаевіч // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.