Апанас Атава

Апанас Атава (сапраўднае імя Апанас Майсеевіч Канановіч; 8 (21) мая 1903, в. Нявязцы, цяпер Слуцкі раён, Мінская вобласць — 28 кастрычніка 1962) — беларускі паэт-маладняковец.

Апанас Атава
Асабістыя звесткі
Дата нараджэння	8 (21) мая 1903
Месца нараджэння	Нявязцы, Знаменскі сельсавет, Слуцкі раён, Беларусь
Дата смерці	28 кастрычніка 1962(1962-10-28) (59 гадоў)
Грамадзянства	БССР
Альма-матар	БДПУ
Прафесійная дзейнасць
Род дзейнасці	паэт
Грамадская дзейнасць
Член у	Маладняк Беларуская літаратурна-мастацкая камуна[d]
Творы ў Вікікрыніцах
Медыяфайлы на Вікісховішчы

Біяграфія

Нарадзіўся 8 (21) мая 1903 года ў вёсцы Нявязцы Слуцкага павета. З сялянскай сям’і. Скончыў сярэднюю школу, у 1939 годзе Мінскі настаўніцкі інстытут. Працаваў настаўнікам у школах Слуцкага, Любанскага, Лунінецкага раёнаў. У 1925 годзе быў дэлегатам першага з’езда літаратурнага аб’яднання «Маладняк», а ў яго Слуцкай філіі, якая дзейнічала ў 1925—1927 гг. лічыўся адным з самых актыўных і здольных літаратараў. Уваходзіў у згуртаванне «Літаратурна-мастацкая камуна».

Пісаў толькі ў 1920-я г., што, верагодна, і выратавала яго ад рэпрэсій.

Месца пахавання невядомае (хоць ва ўсіх даведніках ёсць дакладная дата смерці).

Творчасць

Першы верш быў надрукаваны ў слуцкай акруговай газеце «Вясковы будаўнік» у 1925 г. Вершы публікаваліся таксама ў зборніку «Слуцкія песняры» (Мінск, 1926), літаратурным альманаху «Уздым», часопісе «Росквіт» і інш. выданнях. Пісаў таксама фельетоны, вядомы фрагменты аповесці «Цыганскі пасёлак — камуна» (1930).