Аперацыя «Raus aus Khartum» (2023)

Аперацыя «Raus aus Khartum»ням.: «прэч з Хартума») — аперацыя ўрада Германіі па эвакуацыі суайчыннікаў з Судана. Вываз нямецкіх грамадзян пачаўся на фоне сутыкненняў паміж прыхільнікамі генералаў Абдэля аль-Бурхана і Махамеда Дагала.

Аперацыя «Raus aus Khartum»
Асноўны канфлікт: Канфлікт у Судане (2023), Эвакуацыя замежнікаў з Судана (2023)
Дата 23—25 красавіка 2023
Дата пачатку 23 красавіка 2023
Дата сканчэння 25 красавіка 2025
Месца  Судан
Прычына пачатак баявых дзеянняў
Удзельнікі

Міністэрства замежных спраў Германіі  (англ.)
Міністэрства абароны Германіі  (ням.):

Вынік эвакуявана 200 грамадзян Германіі і 540 замежнікаў

Перадгісторыя правіць

Баявыя дзеянні ў Судане ўспыхнулі 15 красавіка 2023 года, спачатку ахапіўшы сталіцу, а хутка і розныя іншыя часткі краіны. Сам канфлікт стаў следствам барацьбы за ўладу, а таксама няўдалай спробы інтэграцыі Сіл аператыўнай падтрымкі ў шэрагі арміі.

Успышка гвалту заахвоціла свет сачыць за сітуацыяй у Судане, а ўрады дзяржаў перайсці да выратавання сваіх грамадзян з «гарачай кропкі». Аднак сама эвакуацыя была абцяжарана з-за баявых дзеянняў у сталічным Хартуме, асабліва ў міжнародным аэрапорце і вакол яго. Гэта вымусіла многіх ехаць на машынах у Порт-Судан, які знаходзіцца прыкладна ў 650 км на паўночны ўсход ад Хартума[1], адкуль замежнікі вывазіліся па паветры альбо караблямі. Іншыя эвакуацыі праводзіліся праз наземныя пагранпераходы.

Правядзенне правіць

Напярэдадні эвакуацыі Бундэсвер накіраваў на Блізкі Усход і ў Паўночную Афрыку некалькі самалётаў Airbus A400M Atlas  (англ.) і каля 1000 вайскоўцаў 1-й паветрана-дэсантнай брыгады  (ням.) і сіл спецыяльнага прызначэння  (ням.)[2][3].

Вываз планаваўся 19 красавіка (першую партыю эвакуяваных павінны былі складаць 150 чалавек)[4], але з-за баёў гэта зрабіць не ўдалося[5]. Толькі 23 красавіка ў Судан здолелі прыбыць чатыры нямецкія самалёты. Эвакуацыя праводзілася з аэдромаў Вадзі-Саідна і Амдурман у Іарданію[6]. Акрамя таго, праз Порт-Судан арганізаваны вываз па моры, для чаго выкарыстоўваўся карабель Bonn A 1413  (ням.)[3].

25 красавіка аперацыя была завершана. Усяго здзейснена 8 рэйсаў, вывезена 740 чалавек, уключаючы 200 грамадзян ФРГ[6]. Астатнія — прадстаўнікі 30 іншых краін, у тым ліку 90 канадцаў, 40 галандцаў і каля 30 іарданцаў[7].

Як паведамілі ўлады Германіі, аперацыя прайшла без здарэнняў, а суданскія ўлады былі загадзя праінфармаваны па дыпламатычных каналах аб пачатку эвакуацыі[3].

Зноскі

  1. "Which countries have evacuated nationals from Sudan?". Al Jazeera(англ.). 2023-04-23. Праверана 2023-04-24.
  2. USA evakuieren Botschaft im Sudan, europäische Evakuierungsmissionen angelaufen (Updates: Schweden, UK) – Augen geradeaus!. augengeradeaus.net. Праверана 27 красавіка 2023.
  3. а б в Bundeswehr hat Deutsche aus dem Sudan evakuiert | Bundesregierung (ням.). Die Bundesregierung informiert | Startseite. Праверана 27 красавіка 2023.
  4. "Germany cancels evacuation mission in Sudan - report". BBC(англ.). 2023-04-19. Архівавана з арыгінала 17 April 2023. Праверана 2023-04-19.
  5. "Germany preparing to evacuate citizens: Ministry". Al Jazeera(англ.). 2023-04-21. Архівавана з арыгінала 21 April 2023. Праверана 2023-04-21.
  6. а б Bundeswehr evakuiert deutsche Staatsbürger aus dem Sudan(нявызн.). soldat-und-technik.de (24 красавіка 2023). Праверана 27 красавіка 2023.
  7. Amt, Auswärtiges. Pressemitteilung des Auswärtigen Amts und des Bundesministeriums der Verteidigung zum Ende der Evakuierungsmission Sudan (ням.). Auswärtiges Amt. Праверана 27 красавіка 2023.