Аранеаморфныя павукі

Аранеаморфныя павукі (Araneomorphae) — інфраатрад павукоў (Araneae). Ва ўмераных шыротах людзі часцей за ўсё сутыкаюцца з павукамі з гэтай групы. Працягласць жыцця большасці прадстаўнікоў — каля года.

Аранеаморфныя павукі
Павук Callobius на чырвоным дрэве
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Хеліцэравыя Клас:  Павукападобныя Атрад:  Павукі Падатрад:  Opisthothelae Інфраатрад:  Аранеаморфныя павукі
Міжнародная навуковая назва
Araneomorphae Millot, 1933
Сінонімы
Labidognatha
Даччыныя таксоны
Paleocribellatae Neocribellatae
Сістэматыка на Віківідах Выявы на Вікісховішчы NCBI   6905 EOL   3020326 FW   57471

Хеліцэры павука Cheiracanthium punctorium. Відаць, што кіпцюрападобныя членікі складваюцца насустрач адзін аднаму.

Будова

Хеліцэры большасці прадстаўнікоў інфраатраду валодаюць лабідагнатнай будовай: іх другія членікі складваюцца ў медыяльным кірунку — насустрач адзін аднаму. У параўнанні з артагнатнымі хеліцэрамі павукоў інфраатраду Mygalomorphae, лабідагнатныя хеліцэры дазваляюць атакаваць больш буйную здабычу, з чым звязваюць вялікую колькасць карлікавых формаў у гэтай групе. Прадстаўнікі адной з груп інфраатраду — сямейства Hypochilidae — захоўваюць прымітыўную артагнатную будову хеліцэр і сляды раздзялення брушка на сегменты.

Таксанамія

Інфраатрад падзяляюць на два таксона:

• Paleocribellatae — уключае адно сучаснае сямейства — Hypochilidae з 12 відамі;
• Neocribellatae — каля 39 тысяч відаў, якія аб’ядноўваюцца ў 93 сямейства. Іх, у сваю чаргу, групуюць у тры серыі:
  • Gradunguleae — 2 сямейства c 27 відамі;
  • Haplogynae — 17 сямействаў, каля 3 650 відаў;
  • Entelegynae — 73 сямейства, каля 35 300 відаў.