Анатоль Васілевіч Гарбачоў

Анатоль Васілевіч Гарбачоў (20 жніўня 1936, в. Чарнякоўка, Слаўгарадскі раён, Магілёўская вобласць) — беларускі архітэктар.

Анатоль Васілевіч Гарбачоў
Дата нараджэння	20 жніўня 1936(1936-08-20) (87 гадоў)
Месца нараджэння	Чарнякоўка, Чарнякоўскі сельсавет, Прапойскі раён, Магілёўская вобласць, БССР, СССР
Альма-матар	БПІ (1960)
Месца працы	Брэстпраект Брэсцкая абласная праектна-канструктарская майстэрня Белкамунпраект Брэстпраект
Партыя	КПСС
Член у	Саюз архітэктараў СССР Беларускі саюз архітэктараў

Біяграфія

Скончыў Беларускі політэхнічны інстытут у 1960 годзе. Працаваў у Брэсцкім аблпраекце, з 1961 па 1971 г. — галоўным архітэктарам Брэста, у Брэсцкіх праектна-канструктарскіх майстэрнях, у Белкамунпраекце, з 1974 года — начальнік, галоўны архітэктар майстэрні, начальнік аддзела ў Брэстграмадзянпраекце.

Член Саюза архітэктараў СССР з 1963 года. Член КПСС з 1963 года. Пражывае ў Брэсце.

Творчасць

Мемарыял «Вартавым граніц»

Асноўныя працы (у аўтарскім калектыве): жылыя дамы па вул. Пушкінскай (1964), Набярэжнай (1963), Маскоўскай (1974—1976), манументы вызваліцелям Брэста (1965), «Вартавым граніц» (1971) у Брэсце, забудова Цэнтральнага раёна і мікрараёнаў № 5, 7 у Пінску (1980—1986).

Літаратура

• Горбачев Анатолий Васильевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)