Базіліката

Базіліка́та (іт. Basilicata) — адміністрацыйны рэгіён у Італіі. Рэгіён падзяляецца на дзве правінцыі: Матэру і Патэнцу.

Базіліката
Сцяг Герб
Краіна	Італія
Уваходзіць у	Італія
Адміністрацыйны цэнтр	Патэнца
Кіраўнік	Марсела Пітэла[d]
Насельніцтва (2008)	597 768
Плошча	9 992 км²
Вышыня над узроўнем мора	633 м
Часавы пояс	UTC+1 і UTC+2
Код ISO 3166-2	IT-77
Афіцыйны сайт
Базіліката на Вікісховішчы

Змест

Геаграфія

Гара Монтэ Вальтурына

Рэгіён ахоплівае вялікую частву Паўднёвых Апенін. Мяжуе з Апуліяй на поўначы, з Апуліяй і Іанічным морам на ўсходзе, з Калабрыяй на поўдні і Тырэнскім морам і Кампаніяй на захадзе.

Амаль палова тэрыторыі Базілікаты пакрыта горамі. Часткова сюды заходзіць масіў Паліна, вышэйшая кропка якога — Дольчэдормэ, 2267 м. Тут таксама праходзіць масіў Сірына, з вышынямі Монтэ Папа, 2004 м, Монтэ Рапара, 1764 м, і горная сістэма Мадалена, з вяршыняй Монтэ Вальтурына, 1836 м. На поўначы рэгіёна размешчаны вулкан Спента.

Раўніны займаюць 8% тэрыторыі. Вялікая частка з іх прымыкае да марскога ўзбярэжжа. З рэк найбольш значныя Брадана, Базента, Агры, Сіні і Кавонэ.

Клімат субтрапічны міжземнаморскі. У зоне ўзбярэжжа тыпова марскі, і чым далей углыб тэрыторыі, тым больш кантынентальны.

Гісторыя

Базіліката быў населены людзьмі розных народаў з глыбокай старажытнасці. Аднымі з якіх былі луканы, ад імя якіх паходзіць гістарычная назва рэгіёна - Луканія. Луканы былі пакораны лацінамі і рэгіён стаў адной з правінцый Рымскай імперыі.

У Сярэднявеччы рэгіён Базіліката падвергся шматлікім набегам германскіх плямёнаў, готаў і лангабардаў, пасля чаго знаходзіўся пад уладай Візантыі. У 847 г. Базіліката ўвайшоў у склад аўтаномнага княства Салерна, утворанага ў выніку падзелу лангабардскага герцагства Беневента. З XI ст. тэрыторыя рэгіёна ўвайшла ў склад каралеўства Абедзвюх Сіцылій, а затым Неапалітанскага каралеўства.

На працягу ўсёй гісторыі Базіліката заставалася найбедняйшым рэгіёнам Італіі, што спараджала пастаянныя сялянскія паўстанні, мяцяжы і масавыя міграцыі. Базіліката з'яўляецца найбяднейшым рэгіёнам Італіі і сёння.

Гл. таксама

• Армента
• Аліяна

Спасылкі

• На Вікісховішчы ёсць медыяфайлы па тэме Базіліката
• Афіцыйная старонка