Барыс Дзмітрыевіч Жылкін
Барыс Дзмітрыевіч Жы́лкін[2] (15 сакавіка 1895 — 5 сакавіка 1979) — вучоны ў галіне лесаводства, доктар сельскагаспадарчых навук (1966), прафесар (1931), Заслужаны лесавод БССР (1965).
| Барыс Дзмітрыевіч Жылкін | |
|---|---|
| Дата нараджэння | 2 (14) сакавіка 1895 |
| Месца нараджэння | |
| Дата смерці | 5 сакавіка 1979 (84 гады) |
| Грамадзянства | |
| Род дзейнасці | навуковец |
| Навуковая сфера | лесаводства |
| Месца працы | |
| Навуковая ступень | доктар сельскагаспадарчых навук (1966) |
| Навуковае званне | |
| Альма-матар | |
| Узнагароды |
Заслужаны лесавод БССР[d] (1965) |
Біяграфія правіць
Сям'я і дзяцінства правіць
Нарадзіўся 2 (14) сакавіка 1895 года ва ўрочышчы Кемпін паблізу Сачэўкі Гастынскага павета Варшаўскай губерні[3]. Быў ахрышчаны ў праваслаўнай Аляксандра-Неўскай царкве ў Аляксандраве-Пагранічным[3]. Бацька, Дзмітрый Сцяпанавіч (нар. 16.9.1865), выхадзец з яраслаўскіх мяшчан, скончыў Лісінскае лясное вучылішча (1884). Акрамя перыядаў службы ў Варонежскай губерні (1884 - 1887) і Цвярскім лесаахоўным камітэте (1895 - 1899) увесь астатні час служыў у Польшчы - у лясніцтвах Варшаўскай (1887 - 1895), Плоцкай (1899 - 1904) і Калішскай (з 1904) губерняў. Быў жанаты з Марыяй Міхайлаўнай Яравой-Раўскай, з дваран Віленскай губерні[3].
Адукацыя правіць
У 1913 годзе скончыў рэальнае вучылішча ў Калішы. 8 чэрвеня 1917 года скончыў Петраградскі лясны інстытут.
Прафесійная дзейнасць правіць
У 1921—1926 гадах працаваў ляснічым у вучэбна-доследным лясніцтве ў Лубянах (Татарстан). Адзін з заснавальнікаў (у 1921 годзе) і выкладчыкаў ляснога тэхнікума. У 1926—1930 гадах працаваў у Казанскім інстытуце сельскай гаспадаркі і лесаводства, дзе ў 1930 годзе ўзначаліў створаную кафедру лесаводства[4]. У 1930–1946 гадах Б. Д. Жылкін у Бранскім лесагаспадарчым інстытуце на пасадзе загадчыка кафедры лесаводства і дэндралогіі. З 1946 года прафесар,
у 1947–1975 гадах загадчык кафедры лесаводства лесагаспадарчага факультэта Беларускага тэхналагічнага інстытута імя С. М. Кірава.
Навуковая дзейнасць правіць
Б. Д. Жылкіну належаць навуковыя працы па біялогіі, тыпалогіі, водаахоўнай ролі лясоў, павышэнні іх прадукцыйнай здольнасці.
Сярод апублікаванага:
- Опыт изучения типов леса БССР / Проф. Б. Д. Жилкин; Науч.-техн. о-во сельского и лесного хозяйства. Белорус. правл. — Мн.: Изд-во ЦК КПБ, 1957.
- Классификация деревьев по продуктивности. — М., 1965.
- Повышение продуктивности сосновых насаждений культурой люпина. — Мн., 1974.
Зноскі
- ↑ https://www.facebook.com/groups/zapisybelarusaveda/permalink/978596239955820/?mibextid=Nif5oz
- ↑ Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
- ↑ а б в ЦДГА СПб. Ф. 994, воп. 5, спр. 1503
- ↑ Кафедра лесоводства // Брянская областная научная универсальная библиотека им. Ф. А. Тютчева {{ref-ru}
Літаратура правіць
- Жылкін Барыс Дзмітрыевіч // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 299.
- Жылкін Барыс Дзмітрыевіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 465—466. — 10 000 экз. — ISBN 985-11-0035-8. — ISBN 985-11-0106-0 (т. 6).
- Азниев Ю. Н. Памяти Бориса Дмитриевича Жилкина (к 90-летию содня рождения) // Лесной журнал
Спасылкі правіць
- Учёные Беларуси. Жилкин, Борис Дмитриевич (доктор сельскохозяйственных наук; лесное хозяйство; 1895—1979) (руск.) // Нацыянальная бібліятэка Беларусі
- Борис Дмитриевич Жилкин Архівавана 8 снежня 2021. (руск.) // Беларускі дзяржаўны тэхналагічны ўніверсітэт
- Эльмира Минникаева Что мы знаем о выдающемся Борисе Жилкине // ТАТМЕДИА (руск.)
- Донцов А. Хранители лесов // Известия Татарстана (руск.)
- Губайдуллин М. Я хотел бы быть лесоводом… // «Элита Татарстана» Культурно-просветительский, публицистический журнал для деловой, политической, культурной, научной элиты республики и партнеров Татарстана(недаступная спасылка) (руск.)